| Library / Tipiṭaka / д̇ибидага • Tipiṭaka / бариваарабаал̣и • Parivārapāḷi |
самудтаанасийсасан̇кзбо
Samuṭṭhānasīsasaṅkhepo
самудтаанассуд̣̇д̣̇аанам̣
Samuṭṭhānassuddānaṃ
257.
257.
анижжаа саб̣б̣з сан̇каараа, д̣̇угкаанад̇д̇аа жа сан̇кад̇аа;
Aniccā sabbe saṅkhārā, dukkhānattā ca saṅkhatā;
ниб̣б̣аанан̃жзва бан̃н̃ад̇д̇и, анад̇д̇аа ид̇и нижчаяаа.
Nibbānañceva paññatti, anattā iti nicchayā.
б̣уд̣̇д̇хажанд̣̇з ануббаннз, б̣уд̣̇д̇хаад̣̇ижжз ануг̇г̇ад̇з;
Buddhacande anuppanne, buddhādicce anuggate;
д̇зсам̣ сабхааг̇ад̇хаммаанам̣, наамамад̇д̇ам̣ на нааяад̇и.
Tesaṃ sabhāgadhammānaṃ, nāmamattaṃ na nāyati.
д̣̇уггарам̣ вивид̇хам̣ гад̇ваа, буураяид̇ваана баарамий;
Dukkaraṃ vividhaṃ katvā, pūrayitvāna pāramī;
уббаж̇ж̇анд̇и махаавийраа, жагкубхууд̇аа саб̣рахмагз.
Uppajjanti mahāvīrā, cakkhubhūtā sabrahmake.
д̇з д̣̇зсаяанд̇и сад̣̇д̇хаммам̣, д̣̇угкахааним̣ сукаавахам̣;
Te desayanti saddhammaṃ, dukkhahāniṃ sukhāvahaṃ;
ан̇г̇ийрасо сагяамуни, саб̣б̣абхууд̇аанугамбаго.
Aṅgīraso sakyamuni, sabbabhūtānukampako.
саб̣б̣асад̇д̇уд̇д̇амо сийхо, бидагз д̇ийн̣и д̣̇зсаяи;
Sabbasattuttamo sīho, piṭake tīṇi desayi;
суд̇д̇анд̇амабхид̇хамман̃жа, винаяан̃жа махааг̇ун̣ам̣.
Suttantamabhidhammañca, vinayañca mahāguṇaṃ.
звам̣ нийяад̇и сад̣̇д̇хаммо, винаяо яад̣̇и д̇идтад̇и;
Evaṃ nīyati saddhammo, vinayo yadi tiṭṭhati;
убхад̇о жа вибхан̇г̇аани, канд̇хагаа яаа жа маад̇игаа.
Ubhato ca vibhaṅgāni, khandhakā yā ca mātikā.
маалаа суд̇д̇аг̇ун̣знзва, бариваарзна г̇ант̇ид̇аа;
Mālā suttaguṇeneva, parivārena ganthitā;
д̇ассзва бариваарасса, самудтаанам̣ нияад̇о гад̇ам̣.
Tasseva parivārassa, samuṭṭhānaṃ niyato kataṃ.
самбхзд̣̇ам̣ нид̣̇аанам̣ жан̃н̃ам̣, суд̇д̇з д̣̇иссанд̇и убари;
Sambhedaṃ nidānaṃ caññaṃ, sutte dissanti upari;
д̇асмаа сигкз бариваарам̣, д̇хаммагаамо субзсалод̇и.
Tasmā sikkhe parivāraṃ, dhammakāmo supesaloti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бариваара-адтагат̇аа • Parivāra-aṭṭhakathā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / самудтаанасийсаван̣н̣анаа • Samuṭṭhānasīsavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / самудтаанасийсаван̣н̣анаа • Samuṭṭhānasīsavaṇṇanā
