| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
466. ஸமுத்³த³வாணிஜஜாதகங் (3)
466. Samuddavāṇijajātakaṃ (3)
25.
25.
கஸந்தி வபந்தி தே ஜனா, மனுஜா கம்மப²லூபஜீவினோ;
Kasanti vapanti te janā, manujā kammaphalūpajīvino;
நயிமஸ்ஸ தீ³பகஸ்ஸ பா⁴கி³னோ, ஜம்பு³தீ³பா இத³மேவ நோ வரங்.
Nayimassa dīpakassa bhāgino, jambudīpā idameva no varaṃ.
26.
26.
திபஞ்சரத்தூபக³தம்ஹி சந்தே³, வேகோ³ மஹா ஹேஹிதி ஸாக³ரஸ்ஸ;
Tipañcarattūpagatamhi cande, vego mahā hehiti sāgarassa;
உப்லவிஸ்ஸங் தீ³பமிமங் உளாரங், மா வோ வதீ⁴ க³ச்ச²த² லேணமஞ்ஞங்.
Uplavissaṃ dīpamimaṃ uḷāraṃ, mā vo vadhī gacchatha leṇamaññaṃ.
27.
27.
ந ஜாதுயங் ஸாக³ரவாரிவேகோ³, உப்லவிஸ்ஸங் தீ³பமிமங் உளாரங்;
Na jātuyaṃ sāgaravārivego, uplavissaṃ dīpamimaṃ uḷāraṃ;
தங் மே நிமித்தேஹி ப³ஹூஹி தி³ட்ட²ங், மா பே⁴த² கிங் ஸோசத² மோத³த²வ்ஹோ 1.
Taṃ me nimittehi bahūhi diṭṭhaṃ, mā bhetha kiṃ socatha modathavho 2.
28.
28.
பஹூதப⁴க்க²ங் ப³ஹுஅன்னபானங், பத்தத்த² ஆவாஸமிமங் உளாரங்;
Pahūtabhakkhaṃ bahuannapānaṃ, pattattha āvāsamimaṃ uḷāraṃ;
ந வோ ப⁴யங் படிபஸ்ஸாமி கிஞ்சி, ஆபுத்தபுத்தேஹி பமோத³த²வ்ஹோ.
Na vo bhayaṃ paṭipassāmi kiñci, āputtaputtehi pamodathavho.
29.
29.
யோ தே³வோயங் த³க்கி²ணாயங் 3 தி³ஸாயங், கே²மந்தி பக்கோஸதி தஸ்ஸ ஸச்சங்;
Yo devoyaṃ dakkhiṇāyaṃ 4 disāyaṃ, khemanti pakkosati tassa saccaṃ;
ந உத்தரோ வேதி³ ப⁴யாப⁴யஸ்ஸ, மா பே⁴த² கிங் ஸோசத² மோத³த²வ்ஹோ.
Na uttaro vedi bhayābhayassa, mā bhetha kiṃ socatha modathavho.
30.
30.
யதா² இமே விப்பவத³ந்தி யக்கா², ஏகோ ப⁴யங் ஸங்ஸதி கே²மமேகோ;
Yathā ime vippavadanti yakkhā, eko bhayaṃ saṃsati khemameko;
ததி³ங்க⁴ மய்ஹங் வசனங் ஸுணாத², கி²ப்பங் லஹுங் மா வினஸ்ஸிம்ஹ ஸப்³பே³.
Tadiṅgha mayhaṃ vacanaṃ suṇātha, khippaṃ lahuṃ mā vinassimha sabbe.
31.
31.
ஸப்³பே³ ஸமாக³ம்ம கரோம நாவங், தோ³ணிங் த³ள்ஹங் ஸப்³ப³யந்தூபபன்னங்;
Sabbe samāgamma karoma nāvaṃ, doṇiṃ daḷhaṃ sabbayantūpapannaṃ;
ஸசே அயங் த³க்கி²ணோ ஸச்சமாஹ, மோக⁴ங் படிக்கோஸதி உத்தரோயங்;
Sace ayaṃ dakkhiṇo saccamāha, moghaṃ paṭikkosati uttaroyaṃ;
ஸா சேவ நோ ஹேஹிதி ஆபத³த்தா², இமஞ்ச தீ³பங் ந பரிச்சஜேம.
Sā ceva no hehiti āpadatthā, imañca dīpaṃ na pariccajema.
32.
32.
ஸசே ச கோ² உத்தரோ ஸச்சமாஹ, மோக⁴ங் படிக்கோஸதி த³க்கி²ணோயங்;
Sace ca kho uttaro saccamāha, moghaṃ paṭikkosati dakkhiṇoyaṃ;
தமேவ நாவங் அபி⁴ருய்ஹ ஸப்³பே³, ஏவங் மயங் ஸொத்தி² தரேமு பாரங்.
Tameva nāvaṃ abhiruyha sabbe, evaṃ mayaṃ sotthi taremu pāraṃ.
33.
33.
ந வே ஸுக³ண்ஹங் பட²மேன ஸெட்ட²ங், கனிட்ட²மாபாத²க³தங் க³ஹெத்வா;
Na ve sugaṇhaṃ paṭhamena seṭṭhaṃ, kaniṭṭhamāpāthagataṃ gahetvā;
34.
34.
யதா²பி தே ஸாக³ரவாரிமஜ்ஜே², ஸகம்முனா ஸொத்தி² வஹிங்ஸு வாணிஜா;
Yathāpi te sāgaravārimajjhe, sakammunā sotthi vahiṃsu vāṇijā;
அனாக³தத்த²ங் படிவிஜ்ஜி²யான, அப்பம்பி நாச்சேதி ஸ பூ⁴ரிபஞ்ஞோ.
Anāgatatthaṃ paṭivijjhiyāna, appampi nācceti sa bhūripañño.
35.
35.
பா³லா ச மோஹேன ரஸானுகி³த்³தா⁴, அனாக³தங் அப்படிவிஜ்ஜி²யத்த²ங்;
Bālā ca mohena rasānugiddhā, anāgataṃ appaṭivijjhiyatthaṃ;
பச்சுப்பன்னே ஸீத³ந்தி அத்த²ஜாதே, ஸமுத்³த³மஜ்ஜே² யதா² தே மனுஸ்ஸா.
Paccuppanne sīdanti atthajāte, samuddamajjhe yathā te manussā.
36.
36.
அனாக³தங் படிகயிராத² கிச்சங், ‘‘மா மங் கிச்சங் கிச்சகாலே ப்³யதே⁴ஸி’’;
Anāgataṃ paṭikayirātha kiccaṃ, ‘‘mā maṃ kiccaṃ kiccakāle byadhesi’’;
தங் தாதி³ஸங் படிகத 9 கிச்சகாரிங், ந தங் கிச்சங் கிச்சகாலே ப்³யதே⁴தீதி.
Taṃ tādisaṃ paṭikata 10 kiccakāriṃ, na taṃ kiccaṃ kiccakāle byadhetīti.
ஸமுத்³த³வாணிஜஜாதகங் ததியங்.
Samuddavāṇijajātakaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [466] 3. ஸமுத்³த³வாணிஜஜாதகவண்ணனா • [466] 3. Samuddavāṇijajātakavaṇṇanā
