| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၇. သမုဒ္ဒသုတ္တံ
7. Samuddasuttaṃ
၈၀. သာဝတ္ထိယံ ဝိဟရတိ။ပေ.။ ‘‘သေယ္ယထာပိ, ဘိက္ခဝေ, ပုရိသော မဟာသမုဒ္ဒတော ဒ္ဝေ ဝာ တီဏိ ဝာ ဥဒကဖုသိတာနိ ဥဒ္ဓရေယ္ယ။ တံ ကိံ မညထ, ဘိက္ခဝေ , ကတမံ နု ခော ဗဟုတရံ, ယာနိ ဝာ ဒ္ဝေ ဝာ တီဏိ ဝာ ဥဒကဖုသိတာနိ ဥဗ္ဘတာနိ ယံ ဝာ မဟာသမုဒ္ဒေ ဥဒက’’န္တိ?
80. Sāvatthiyaṃ viharati…pe… ‘‘seyyathāpi, bhikkhave, puriso mahāsamuddato dve vā tīṇi vā udakaphusitāni uddhareyya. Taṃ kiṃ maññatha, bhikkhave , katamaṃ nu kho bahutaraṃ, yāni vā dve vā tīṇi vā udakaphusitāni ubbhatāni yaṃ vā mahāsamudde udaka’’nti?
‘‘ဧတဒေဝ , ဘန္တေ, ဗဟုတရံ, ယဒိဒံ မဟာသမုဒ္ဒေ ဥဒကံ; အပ္ပမတ္တကာနိ ဒ္ဝေ ဝာ တီဏိ ဝာ ဥဒကဖုသိတာနိ ဥဗ္ဘတာနိ။ နေဝ သတိမံ ကလံ ဥပေန္တိ န သဟသ္သိမံ ကလံ ဥပေန္တိ န သတသဟသ္သိမံ ကလံ ဥပေန္တိ မဟာသမုဒ္ဒေ ဥဒကံ ဥပနိဓာယ ဒ္ဝေ ဝာ တီဏိ ဝာ ဥဒကဖုသိတာနိ ဥဗ္ဘတာနီ’’တိ။ ‘‘ဧဝမေဝ ခော, ဘိက္ခဝေ။ပေ.။ ဓမ္မစက္ခုပဋိလာဘော’’တိ။ သတ္တမံ။
‘‘Etadeva , bhante, bahutaraṃ, yadidaṃ mahāsamudde udakaṃ; appamattakāni dve vā tīṇi vā udakaphusitāni ubbhatāni. Neva satimaṃ kalaṃ upenti na sahassimaṃ kalaṃ upenti na satasahassimaṃ kalaṃ upenti mahāsamudde udakaṃ upanidhāya dve vā tīṇi vā udakaphusitāni ubbhatānī’’ti. ‘‘Evameva kho, bhikkhave…pe… dhammacakkhupaṭilābho’’ti. Sattamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. ပထဝီသုတ္တာဒိဝဏ္ဏနာ • 5. Pathavīsuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၄. ပထဝီသုတ္တာဒိဝဏ္ဏနာ • 4. Pathavīsuttādivaṇṇanā
