| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૧૦. સમુદ્દકસુત્તવણ્ણના
10. Samuddakasuttavaṇṇanā
૨૫૬. ચક્કવાળમહાસમુદ્દપિટ્ઠિયન્તિ ચક્કવાળપબ્બતપાદસમન્તા મહાસમુદ્દતીરપિટ્ઠિયં. યથેવ સિનેરુસમીપે મહાસમુદ્દો અનુપુબ્બનિન્નો અનુપુબ્બપોણો અનુપુબ્બપબ્ભારો, એવં યેભુય્યેન ચક્કવાળપાદસમીપેપિ. તેનાહ ‘‘રજતપટ્ટવણ્ણે વાલુકપુલિને’’તિ. વુત્તપ્પકારાસૂતિ અનન્તરસુત્તે વુત્તપ્પકારાસુ. અસ્સમપદેનાતિ અસ્સમપદવેમજ્ઝેન. એવં ચિન્તયિંસૂતિ ‘‘યં નૂન મય’’ન્તિઆદિના યથા પાળિયં આગતં, એવં મન્તયિંસુ.
256.Cakkavāḷamahāsamuddapiṭṭhiyanti cakkavāḷapabbatapādasamantā mahāsamuddatīrapiṭṭhiyaṃ. Yatheva sinerusamīpe mahāsamuddo anupubbaninno anupubbapoṇo anupubbapabbhāro, evaṃ yebhuyyena cakkavāḷapādasamīpepi. Tenāha ‘‘rajatapaṭṭavaṇṇe vālukapuline’’ti. Vuttappakārāsūti anantarasutte vuttappakārāsu. Assamapadenāti assamapadavemajjhena. Evaṃ cintayiṃsūti ‘‘yaṃ nūna maya’’ntiādinā yathā pāḷiyaṃ āgataṃ, evaṃ mantayiṃsu.
ઇચ્છિતકરોતિ યદિચ્છિતકરણં. દુટ્ઠાનન્તિ દુરાસયાનં. તે પન દુટ્ઠજ્ઝાસયા વિરુદ્ધા હોન્તીતિ આહ ‘‘દુટ્ઠાનં વિરુદ્ધાન’’ન્તિ. પવુત્તન્તિ બીજં સન્ધાય વપિતં. તેનાહ ‘‘ખેત્તે પતિટ્ઠાપિત’’ન્તિ.
Icchitakaroti yadicchitakaraṇaṃ. Duṭṭhānanti durāsayānaṃ. Te pana duṭṭhajjhāsayā viruddhā hontīti āha ‘‘duṭṭhānaṃ viruddhāna’’nti. Pavuttanti bījaṃ sandhāya vapitaṃ. Tenāha ‘‘khette patiṭṭhāpita’’nti.
સાયમાસભત્તન્તિ સાયં અસિતબ્બભોજનં. યથાવારં ભક્ખિતમેતં દેવાનં વિય સુખુમં ગુરુવાસઞ્ચ ન હોતીતિ ‘‘ભત્ત’’ન્તિ વુત્તં. ગેલઞ્ઞજાતન્તિ સઞ્જાતગેલઞ્ઞં. વેપતીતિ કમ્પતિ પવેધતિ.
Sāyamāsabhattanti sāyaṃ asitabbabhojanaṃ. Yathāvāraṃ bhakkhitametaṃ devānaṃ viya sukhumaṃ guruvāsañca na hotīti ‘‘bhatta’’nti vuttaṃ. Gelaññajātanti sañjātagelaññaṃ. Vepatīti kampati pavedhati.
સમુદ્દકસુત્તવણ્ણના નિટ્ઠિતા.
Samuddakasuttavaṇṇanā niṭṭhitā.
પઠમવગ્ગવણ્ણના નિટ્ઠિતા.
Paṭhamavaggavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. સમુદ્દકસુત્તં • 10. Samuddakasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૧૦. સમુદ્દકસુત્તવણ્ણના • 10. Samuddakasuttavaṇṇanā
