| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၂. သမုဒယသုတ္တံ
2. Samudayasuttaṃ
၄၀၈. ‘‘စတုန္နံ, ဘိက္ခဝေ, သတိပဋ္ဌာနာနံ သမုဒယဉ္စ အတ္ထင္ဂမဉ္စ ဒေသေသ္သာမိ။ တံ သုဏာထ။ ကော စ, ဘိက္ခဝေ, ကာယသ္သ သမုဒယော? အာဟာရသမုဒယာ ကာယသ္သ သမုဒယော; အာဟာရနိရောဓာ ကာယသ္သ အတ္ထင္ဂမော။ ဖသ္သသမုဒယာ ဝေဒနာနံ သမုဒယော; ဖသ္သနိရောဓာ ဝေဒနာနံ အတ္ထင္ဂမော။ နာမရူပသမုဒယာ စိတ္တသ္သ သမုဒယော; နာမရူပနိရောဓာ စိတ္တသ္သ အတ္ထင္ဂမော။ မနသိကာရသမုဒယာ ဓမ္မာနံ သမုဒယော; မနသိကာရနိရောဓာ ဓမ္မာနံ အတ္ထင္ဂမော’’တိ။ ဒုတိယံ။
408. ‘‘Catunnaṃ, bhikkhave, satipaṭṭhānānaṃ samudayañca atthaṅgamañca desessāmi. Taṃ suṇātha. Ko ca, bhikkhave, kāyassa samudayo? Āhārasamudayā kāyassa samudayo; āhāranirodhā kāyassa atthaṅgamo. Phassasamudayā vedanānaṃ samudayo; phassanirodhā vedanānaṃ atthaṅgamo. Nāmarūpasamudayā cittassa samudayo; nāmarūpanirodhā cittassa atthaṅgamo. Manasikārasamudayā dhammānaṃ samudayo; manasikāranirodhā dhammānaṃ atthaṅgamo’’ti. Dutiyaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. သမုဒယသုတ္တဝဏ္ဏနာ • 2. Samudayasuttavaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၂. သမုဒယသုတ္တဝဏ္ဏနာ • 2. Samudayasuttavaṇṇanā
