| Library / Tipiṭaka / តិបិដក • Tipiṭaka / បរិវារបាឡិ • Parivārapāḷi |
១៦. សំសដ្ឋវារោ
16. Saṃsaṭṭhavāro
៣០៦. អធិករណន្តិ វា សមថាតិ វា ឥមេ ធម្មា សំសដ្ឋា ឧទាហុ វិសំសដ្ឋា? លព្ភា ច បនិមេសំ ធម្មានំ វិនិព្ភុជិត្វា វិនិព្ភុជិត្វា 1 នានាករណំ បញ្ញាបេតុន្តិ?
306. Adhikaraṇanti vā samathāti vā ime dhammā saṃsaṭṭhā udāhu visaṃsaṭṭhā? Labbhā ca panimesaṃ dhammānaṃ vinibbhujitvā vinibbhujitvā 2 nānākaraṇaṃ paññāpetunti?
អធិករណន្តិ វា សមថាតិ វា ឥមេ ធម្មា វិសំសដ្ឋា, នោ សំសដ្ឋា។ លព្ភា ច បនិមេសំ ធម្មានំ វិនិព្ភុជិត្វា វិនិព្ភុជិត្វា នានាករណំ បញ្ញាបេតុន្តិ។ សោ – ‘‘មា ហេវ’’ន្តិស្ស វចនីយោ។ អធិករណន្តិ វា សមថាតិ វា ឥមេ ធម្មា សំសដ្ឋា, នោ វិសំសដ្ឋា។ នោ ច លព្ភា 3 ឥមេសំ ធម្មានំ វិនិព្ភុជិត្វា វិនិព្ភុជិត្វា នានាករណំ បញ្ញាបេតុំ។ តំ កិស្ស ហេតុ? ននុ វុត្តំ ភគវតា – ‘‘ចត្តារិមានិ, ភិក្ខវេ, អធិករណានិ, សត្ត សមថា។ អធិករណា សមថេហិ សម្មន្តិ, សមថា អធិករណេហិ សម្មន្តិ។ ឯវំ, ឥមេ ធម្មា សំសដ្ឋា នោ វិសំសដ្ឋា; នោ ច លព្ភា ឥមេសំ ធម្មានំ វិនិព្ភុជិត្វា វិនិព្ភុជិត្វា នានាករណំ បញ្ញាបេតុ’’ន្តិ។
Adhikaraṇanti vā samathāti vā ime dhammā visaṃsaṭṭhā, no saṃsaṭṭhā. Labbhā ca panimesaṃ dhammānaṃ vinibbhujitvā vinibbhujitvā nānākaraṇaṃ paññāpetunti. So – ‘‘mā heva’’ntissa vacanīyo. Adhikaraṇanti vā samathāti vā ime dhammā saṃsaṭṭhā, no visaṃsaṭṭhā. No ca labbhā 4 imesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ. Taṃ kissa hetu? Nanu vuttaṃ bhagavatā – ‘‘cattārimāni, bhikkhave, adhikaraṇāni, satta samathā. Adhikaraṇā samathehi sammanti, samathā adhikaraṇehi sammanti. Evaṃ, ime dhammā saṃsaṭṭhā no visaṃsaṭṭhā; no ca labbhā imesaṃ dhammānaṃ vinibbhujitvā vinibbhujitvā nānākaraṇaṃ paññāpetu’’nti.
សំសដ្ឋវារោ និដ្ឋិតោ សោឡសមោ។
Saṃsaṭṭhavāro niṭṭhito soḷasamo.
Footnotes:
Related texts:
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā / សំសដ្ឋវារកថាវណ្ណនា • Saṃsaṭṭhavārakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā / សំសដ្ឋវារាទិវណ្ណនា • Saṃsaṭṭhavārādivaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វិមតិវិនោទនី-ដីកា • Vimativinodanī-ṭīkā / សំសដ្ឋវារាទិវណ្ណនា • Saṃsaṭṭhavārādivaṇṇanā
