| Library / Tipiṭaka / திபிடக • Tipiṭaka / பரிவாரபாளி • Parivārapāḷi |
8. ஸங்ஸட்ட²வாரோ
8. Saṃsaṭṭhavāro
351. ஸம்முகா²வினயோதி வா ஸதிவினயோதி வா – இமே த⁴ம்மா ஸங்ஸட்டா² உதா³ஹு விஸங்ஸட்டா²? லப்³பா⁴ ச பனிமேஸங் த⁴ம்மானங் வினிப்³பு⁴ஜித்வா வினிப்³பு⁴ஜித்வா நானாகரணங் பஞ்ஞாபேதுங்? ஸம்முகா²வினயோதி வா அமூள்ஹவினயோதி வா…பே॰… ஸம்முகா²வினயோதி வா படிஞ்ஞாதகரணந்தி வா… ஸம்முகா²வினயோதி வா யேபு⁴ய்யஸிகாதி வா… ஸம்முகா²வினயோதி வா தஸ்ஸபாபியஸிகாதி வா… ஸம்முகா²வினயோதி வா திணவத்தா²ரகோதி – இமே த⁴ம்மா ஸங்ஸட்டா² உதா³ஹு விஸங்ஸட்டா² ? லப்³பா⁴ ச பனிமேஸங் த⁴ம்மானங் வினிப்³பு⁴ஜித்வா வினிப்³பு⁴ஜித்வா நானாகரணங் பஞ்ஞாபேதுங்?
351. Sammukhāvinayoti vā sativinayoti vā – ime dhammā saṃsaṭṭhā udāhu visaṃsaṭṭhā? Labbhā ca panimesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ? Sammukhāvinayoti vā amūḷhavinayoti vā…pe… sammukhāvinayoti vā paṭiññātakaraṇanti vā… sammukhāvinayoti vā yebhuyyasikāti vā… sammukhāvinayoti vā tassapāpiyasikāti vā… sammukhāvinayoti vā tiṇavatthārakoti – ime dhammā saṃsaṭṭhā udāhu visaṃsaṭṭhā ? Labbhā ca panimesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ?
ஸம்முகா²வினயோதி வா ஸதிவினயோதி வா – இமே த⁴ம்மா ஸங்ஸட்டா², நோ விஸங்ஸட்டா²; ந ச லப்³பா⁴ இமேஸங் த⁴ம்மானங் வினிப்³பு⁴ஜித்வா வினிப்³பு⁴ஜித்வா நானாகரணங் பஞ்ஞாபேதுங். ஸம்முகா²வினயோதி வா அமூள்ஹவினயோதி வா…பே॰… ஸம்முகா²வினயோதி வா படிஞ்ஞாதகரணந்தி வா… ஸம்முகா²வினயோதி வா யேபு⁴ய்யஸிகாதி வா… ஸம்முகா²வினயோதி வா தஸ்ஸபாபியஸிகாதி வா… ஸம்முகா²வினயோதி வா திணவத்தா²ரகோதி வா – இமே த⁴ம்மா ஸங்ஸட்டா², நோ விஸங்ஸட்டா²; ந ச லப்³பா⁴ இமேஸங் த⁴ம்மானங் வினிப்³பு⁴ஜித்வா வினிப்³பு⁴ஜித்வா நானாகரணங் பஞ்ஞாபேதுங்.
Sammukhāvinayoti vā sativinayoti vā – ime dhammā saṃsaṭṭhā, no visaṃsaṭṭhā; na ca labbhā imesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ. Sammukhāvinayoti vā amūḷhavinayoti vā…pe… sammukhāvinayoti vā paṭiññātakaraṇanti vā… sammukhāvinayoti vā yebhuyyasikāti vā… sammukhāvinayoti vā tassapāpiyasikāti vā… sammukhāvinayoti vā tiṇavatthārakoti vā – ime dhammā saṃsaṭṭhā, no visaṃsaṭṭhā; na ca labbhā imesaṃ dhammānaṃ vinibbhujitvā vinibbhujitvā nānākaraṇaṃ paññāpetuṃ.
Related texts:
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / பரிவார-அட்ட²கதா² • Parivāra-aṭṭhakathā / அதி⁴கரணனிதா³னாதி³வண்ணனா • Adhikaraṇanidānādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / அதி⁴கரணனிதா³னாதி³வண்ணனா • Adhikaraṇanidānādivaṇṇanā
