| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၆. သံသပ္ပနီယသုတ္တဝဏ္ဏနာ
6. Saṃsappanīyasuttavaṇṇanā
၂၁၆. ဆဋ္ဌေ သံသပ္ပနီယပရိယာယံ ဝော, ဘိက္ခဝေ, ဓမ္မပရိယာယန္တိ သံသပ္ပနသ္သ ကာရဏံ ဒေသနာသင္ခာတံ ဓမ္မဒေသနံ။ သံသပ္ပတီတိ တံ ကမ္မံ ကရောန္တော အာသပ္ပတိ ပရိသပ္ပတိ ဝိပ္ဖန္ဒတိ။ ဇိမ္ဟာ ဂတီတိ တေန ကမ္မေန ယံ ဂတိံ ဂမိသ္သတိ, သာ ဇိမ္ဟာ ဟောတိ။ ဇိမ္ဟုပပတ္တီတိ တသ္သ ယံ ဂတိံ ဥပပဇ္ဇိသ္သတိ, သာပိ ဇိမ္ဟာဝ ဟောတိ။ သံသပ္ပဇာတိကာတိ သံသပ္ပနသဘာဝာ။ ဘူတာ ဘူတသ္သ ဥပပတ္တိ ဟောတီတိ ဘူတသ္မာ သဘာဝတော ဝိဇ္ဇမာနကမ္မာ သတ္တသ္သ နိဗ္ဗတ္တိ ဟောတိ။ ဖသ္သာ ဖုသန္တီတိ ဝိပာကဖသ္သာ ဖုသန္တိ။
216. Chaṭṭhe saṃsappanīyapariyāyaṃ vo, bhikkhave, dhammapariyāyanti saṃsappanassa kāraṇaṃ desanāsaṅkhātaṃ dhammadesanaṃ. Saṃsappatīti taṃ kammaṃ karonto āsappati parisappati vipphandati. Jimhāgatīti tena kammena yaṃ gatiṃ gamissati, sā jimhā hoti. Jimhupapattīti tassa yaṃ gatiṃ upapajjissati, sāpi jimhāva hoti. Saṃsappajātikāti saṃsappanasabhāvā. Bhūtā bhūtassa upapatti hotīti bhūtasmā sabhāvato vijjamānakammā sattassa nibbatti hoti. Phassā phusantīti vipākaphassā phusanti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၆. သံသပ္ပနီယသုတ္တံ • 6. Saṃsappanīyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅၃၆. ပဌမနိရယသဂ္ဂသုတ္တာဒိဝဏ္ဏနာ • 1-536. Paṭhamanirayasaggasuttādivaṇṇanā
