| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৬. সংসপ্পনীযসুত্তৰণ্ণনা
6. Saṃsappanīyasuttavaṇṇanā
২১৬. ছট্ঠে সংসপ্পনীযপরিযাযং ৰো, ভিক্খৰে, ধম্মপরিযাযন্তি সংসপ্পনস্স কারণং দেসনাসঙ্খাতং ধম্মদেসনং। সংসপ্পতীতি তং কম্মং করোন্তো আসপ্পতি পরিসপ্পতি ৰিপ্ফন্দতি। জিম্হা গতীতি তেন কম্মেন যং গতিং গমিস্সতি, সা জিম্হা হোতি। জিম্হুপপত্তীতি তস্স যং গতিং উপপজ্জিস্সতি, সাপি জিম্হাৰ হোতি। সংসপ্পজাতিকাতি সংসপ্পনসভাৰা। ভূতা ভূতস্স উপপত্তি হোতীতি ভূতস্মা সভাৰতো ৰিজ্জমানকম্মা সত্তস্স নিব্বত্তি হোতি। ফস্সা ফুসন্তীতি ৰিপাকফস্সা ফুসন্তি।
216. Chaṭṭhe saṃsappanīyapariyāyaṃ vo, bhikkhave, dhammapariyāyanti saṃsappanassa kāraṇaṃ desanāsaṅkhātaṃ dhammadesanaṃ. Saṃsappatīti taṃ kammaṃ karonto āsappati parisappati vipphandati. Jimhāgatīti tena kammena yaṃ gatiṃ gamissati, sā jimhā hoti. Jimhupapattīti tassa yaṃ gatiṃ upapajjissati, sāpi jimhāva hoti. Saṃsappajātikāti saṃsappanasabhāvā. Bhūtā bhūtassa upapatti hotīti bhūtasmā sabhāvato vijjamānakammā sattassa nibbatti hoti. Phassā phusantīti vipākaphassā phusanti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৬. সংসপ্পনীযসুত্তং • 6. Saṃsappanīyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৫৩৬. পঠমনিরযসগ্গসুত্তাদিৰণ্ণনা • 1-536. Paṭhamanirayasaggasuttādivaṇṇanā
