| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༥. པཉྩམཝགྒོ
5. Pañcamavaggo
(༤༨) ༦. སམྨུཏིཉཱཎཀཐཱ
(48) 6. Sammutiñāṇakathā
༤༣༤. ན ཝཏྟབྦཾ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི? ཨཱམནྟཱ། ནནུ པཐཝཱིཀསིཎཾ སམཱཔཏྟིཾ སམཱཔནྣསྶ ཨཏྠི ཉཱཎཾ, པཐཝཱིཀསིཎཉྩ སམྨུཏིསཙྩམྷཱིཏི? ཨཱམནྟཱ། ཧཉྩི པཐཝཱིཀསིཎཾ སམཱཔཏྟིཾ སམཱཔནྣསྶ ཨཏྠི ཉཱཎཾ, པཐཝཱིཀསིཎཉྩ སམྨུཏིསཙྩམྷི, ཏེན ཝཏ རེ ཝཏྟབྦེ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི།
434. Na vattabbaṃ – ‘‘sammutiñāṇaṃ saccārammaṇaññeva na aññārammaṇa’’nti? Āmantā. Nanu pathavīkasiṇaṃ samāpattiṃ samāpannassa atthi ñāṇaṃ, pathavīkasiṇañca sammutisaccamhīti? Āmantā. Hañci pathavīkasiṇaṃ samāpattiṃ samāpannassa atthi ñāṇaṃ, pathavīkasiṇañca sammutisaccamhi, tena vata re vattabbe – ‘‘sammutiñāṇaṃ saccārammaṇaññeva na aññārammaṇa’’nti.
ན ཝཏྟབྦཾ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི? ཨཱམནྟཱ…པེ॰… ནནུ ཨཱཔོཀསིཎཾ…པེ॰… ཏེཛོཀསིཎཾ…པེ॰… གིལཱནཔཙྩཡབྷེསཛྫཔརིཀྑཱརཾ དདནྟསྶ ཨཏྠི ཉཱཎཾ, གིལཱནཔཙྩཡབྷེསཛྫཔརིཀྑཱརོ ཙ སམྨུཏིསཙྩམྷཱིཏི? ཨཱམནྟཱ། ཧཉྩི གིལཱནཔཙྩཡབྷེསཛྫཔརིཀྑཱརཾ དདནྟསྶ ཨཏྠི ཉཱཎཾ, གིལཱནཔཙྩཡབྷེསཛྫཔརིཀྑཱརོ ཙ སམྨུཏིསཙྩམྷི, ཏེན ཝཏ རེ ཝཏྟབྦེ – ‘‘སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎ’’ནྟི།
Na vattabbaṃ – ‘‘sammutiñāṇaṃ saccārammaṇaññeva na aññārammaṇa’’nti? Āmantā…pe… nanu āpokasiṇaṃ…pe… tejokasiṇaṃ…pe… gilānapaccayabhesajjaparikkhāraṃ dadantassa atthi ñāṇaṃ, gilānapaccayabhesajjaparikkhāro ca sammutisaccamhīti? Āmantā. Hañci gilānapaccayabhesajjaparikkhāraṃ dadantassa atthi ñāṇaṃ, gilānapaccayabhesajjaparikkhāro ca sammutisaccamhi, tena vata re vattabbe – ‘‘sammutiñāṇaṃ saccārammaṇaññeva na aññārammaṇa’’nti.
༤༣༥. སམྨུཏིཉཱཎཾ སཙྩཱརམྨཎཉྙེཝ ན ཨཉྙཱརམྨཎནྟི? ཨཱམནྟཱ ། ཏེན ཉཱཎེན དུཀྑཾ པརིཛཱནཱཏི, སམུདཡཾ པཛཧཏི, ནིརོདྷཾ སཙྪིཀརོཏི, མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
435. Sammutiñāṇaṃ saccārammaṇaññeva na aññārammaṇanti? Āmantā . Tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
སམྨུཏིཉཱཎཀཐཱ ནིཊྛིཏཱ།
Sammutiñāṇakathā niṭṭhitā.
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༦. སམྨུཏིཉཱཎཀཐཱཝཎྞནཱ • 6. Sammutiñāṇakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༦. སམྨུཏིཉཱཎཀཐཱཝཎྞནཱ • 6. Sammutiñāṇakathāvaṇṇanā
