| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൫. ചൂളവഗ്ഗോ
5. Cūḷavaggo
൧. സമ്മുഖീഭാവസുത്തവണ്ണനാ
1. Sammukhībhāvasuttavaṇṇanā
൪൧. പഞ്ചമസ്സ പഠമേ സമ്മുഖീഭാവാതി സമ്മുഖീഭാവേന, വിജ്ജമാനതായാതി അത്ഥോ. പസവതീതി പടിലഭതി. സദ്ധായ സമ്മുഖീഭാവാതി യദി ഹി സദ്ധാ ന ഭവേയ്യ, ദേയ്യധമ്മോ ന ഭവേയ്യ, ദക്ഖിണേയ്യസങ്ഖാതാ പടിഗ്ഗാഹകപുഗ്ഗലാ ന ഭവേയ്യും, കഥം പുഞ്ഞകമ്മം കരേയ്യ. തേസം പന സമ്മുഖീഭാവേന സക്കാ കാതുന്തി തസ്മാ ‘‘സദ്ധായ സമ്മുഖീഭാവാ’’തിആദിമാഹ. ഏത്ഥ ച ദ്വേ ധമ്മാ സുലഭാ ദേയ്യധമ്മാ ചേവ ദക്ഖിണേയ്യാ ച, സദ്ധാ പന ദുല്ലഭാ. പുഥുജ്ജനസ്സ ഹി സദ്ധാ അഥാവരാ പദവാരേന നാനാ ഹോതി, തേനേവ മഹാമോഗ്ഗല്ലാനസദിസോപി അഗ്ഗസാവകോ പാടിഭോഗോ ഭവിതും അസക്കോന്തോ ആഹ – ‘‘ദ്വിന്നം ഖോ തേ അഹം, ആവുസോ, ധമ്മാനം പാടിഭോഗോ ഭോഗാനഞ്ച ജീവിതസ്സ ച, സദ്ധായ പന ത്വംയേവ പാടിഭോഗോ’’തി (ഉദാ॰ ൧൮).
41. Pañcamassa paṭhame sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvāti yadi hi saddhā na bhaveyya, deyyadhammo na bhaveyya, dakkhiṇeyyasaṅkhātā paṭiggāhakapuggalā na bhaveyyuṃ, kathaṃ puññakammaṃ kareyya. Tesaṃ pana sammukhībhāvena sakkā kātunti tasmā ‘‘saddhāya sammukhībhāvā’’tiādimāha. Ettha ca dve dhammā sulabhā deyyadhammā ceva dakkhiṇeyyā ca, saddhā pana dullabhā. Puthujjanassa hi saddhā athāvarā padavārena nānā hoti, teneva mahāmoggallānasadisopi aggasāvako pāṭibhogo bhavituṃ asakkonto āha – ‘‘dvinnaṃ kho te ahaṃ, āvuso, dhammānaṃ pāṭibhogo bhogānañca jīvitassa ca, saddhāya pana tvaṃyeva pāṭibhogo’’ti (udā. 18).
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧. സമ്മുഖീഭാവസുത്തം • 1. Sammukhībhāvasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧. സമ്മുഖീഭാവസുത്തവണ്ണനാ • 1. Sammukhībhāvasuttavaṇṇanā
