| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5. жуул̣аваг̇г̇о
5. Cūḷavaggo
1. саммукийбхаавасуд̇д̇аван̣н̣анаа
1. Sammukhībhāvasuttavaṇṇanā
41. бан̃жамасса батамз саммукийбхааваад̇и саммукийбхаавзна, виж̇ж̇амаанад̇ааяаад̇и ад̇т̇о. басавад̇ийд̇и бадилабхад̇и. сад̣̇д̇хааяа саммукийбхааваад̇и яад̣̇и хи сад̣̇д̇хаа на бхавзяяа, д̣̇зяяад̇хаммо на бхавзяяа, д̣̇агкин̣зяяасан̇каад̇аа бадиг̇г̇аахагабуг̇г̇алаа на бхавзяяум̣, гат̇ам̣ бун̃н̃агаммам̣ гарзяяа. д̇зсам̣ бана саммукийбхаавзна саггаа гаад̇унд̇и д̇асмаа ‘‘сад̣̇д̇хааяа саммукийбхааваа’’д̇иаад̣̇имааха. зд̇т̇а жа д̣̇вз д̇хаммаа сулабхаа д̣̇зяяад̇хаммаа жзва д̣̇агкин̣зяяаа жа, сад̣̇д̇хаа бана д̣̇уллабхаа. бут̇уж̇ж̇анасса хи сад̣̇д̇хаа ат̇аавараа бад̣̇аваарзна наанаа ход̇и, д̇знзва махаамог̇г̇аллаанасад̣̇исоби аг̇г̇асааваго баадибхог̇о бхавид̇ум̣ асаггонд̇о ааха – ‘‘д̣̇виннам̣ ко д̇з ахам̣, аавусо, д̇хаммаанам̣ баадибхог̇о бхог̇аанан̃жа ж̇ийвид̇асса жа, сад̣̇д̇хааяа бана д̇вам̣язва баадибхог̇о’’д̇и (уд̣̇аа. 18).
41. Pañcamassa paṭhame sammukhībhāvāti sammukhībhāvena, vijjamānatāyāti attho. Pasavatīti paṭilabhati. Saddhāya sammukhībhāvāti yadi hi saddhā na bhaveyya, deyyadhammo na bhaveyya, dakkhiṇeyyasaṅkhātā paṭiggāhakapuggalā na bhaveyyuṃ, kathaṃ puññakammaṃ kareyya. Tesaṃ pana sammukhībhāvena sakkā kātunti tasmā ‘‘saddhāya sammukhībhāvā’’tiādimāha. Ettha ca dve dhammā sulabhā deyyadhammā ceva dakkhiṇeyyā ca, saddhā pana dullabhā. Puthujjanassa hi saddhā athāvarā padavārena nānā hoti, teneva mahāmoggallānasadisopi aggasāvako pāṭibhogo bhavituṃ asakkonto āha – ‘‘dvinnaṃ kho te ahaṃ, āvuso, dhammānaṃ pāṭibhogo bhogānañca jīvitassa ca, saddhāya pana tvaṃyeva pāṭibhogo’’ti (udā. 18).
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. саммукийбхаавасуд̇д̇ам̣ • 1. Sammukhībhāvasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. саммукийбхаавасуд̇д̇аван̣н̣анаа • 1. Sammukhībhāvasuttavaṇṇanā
