| Library / Tipiṭaka / ತಿಪಿಟಕ • Tipiṭaka / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā |
೪. ಸಮಥಕ್ಖನ್ಧಕಂ
4. Samathakkhandhakaṃ
ಸಮ್ಮುಖಾವಿನಯಕಥಾ
Sammukhāvinayakathā
೧೮೬-೧೮೭. ಸಮಥಕ್ಖನ್ಧಕೇ – ‘‘ಅಧಮ್ಮವಾದೀ ಪುಗ್ಗಲೋ’’ತಿಆದೀನಿ ಛ ಮಾತಿಕಾಪದಾನಿ ನಿಕ್ಖಿಪಿತ್ವಾ ‘‘ಅಧಮ್ಮವಾದೀ ಪುಗ್ಗಲೋ ಧಮ್ಮವಾದಿಂ ಪುಗ್ಗಲಂ ಸಞ್ಞಾಪೇತೀ’’ತಿಆದಿನಾ ನಯೇನ ವಿತ್ಥಾರೋ ವುತ್ತೋ। ತತ್ಥ ಸಞ್ಞಾಪೇತೀತಿ ಕಾರಣಪತಿರೂಪಕಾನಿ ವತ್ವಾ ಪರಿತೋಸೇತ್ವಾ ಜಾನಾಪೇತಿ। ನಿಜ್ಝಾಪೇತೀತಿ ಯಥಾ ಸೋ ತಂ ಅತ್ಥಂ ನಿಜ್ಝಾಯತಿ, ಓಲೋಕೇತಿ; ಏವಂ ಕರೋತಿ। ಪೇಕ್ಖತಿ ಅನುಪೇಕ್ಖತೀತಿ ಯಥಾ ಸೋ ತಂ ಅತ್ಥಂ ಪೇಕ್ಖತಿ ಚೇವ ಪುನಪ್ಪುನಞ್ಚ ಪೇಕ್ಖತಿ; ಏವಂ ಕರೋತಿ। ದಸ್ಸೇತಿ ಅನುದಸ್ಸೇತೀತಿ ತೇಸಞ್ಞೇವ ಪರಿಯಾಯವಚನಾನಿ। ಅಧಮ್ಮೇನ ವೂಪಸಮ್ಮತೀತಿ ಯಸ್ಮಾ ಸೋ ಅಧಮ್ಮಮೇವ ‘‘ಅಯಂ ಧಮ್ಮೋ’’ತಿಆದಿನಾ ನಯೇನ ಮೋಹೇತ್ವಾ ದಸ್ಸೇತಿ, ತಸ್ಮಾ ಅಧಮ್ಮೇನ ವೂಪಸಮ್ಮತಿ ನಾಮ।
186-187. Samathakkhandhake – ‘‘adhammavādī puggalo’’tiādīni cha mātikāpadāni nikkhipitvā ‘‘adhammavādī puggalo dhammavādiṃ puggalaṃ saññāpetī’’tiādinā nayena vitthāro vutto. Tattha saññāpetīti kāraṇapatirūpakāni vatvā paritosetvā jānāpeti. Nijjhāpetīti yathā so taṃ atthaṃ nijjhāyati, oloketi; evaṃ karoti. Pekkhati anupekkhatīti yathā so taṃ atthaṃ pekkhati ceva punappunañca pekkhati; evaṃ karoti. Dasseti anudassetīti tesaññeva pariyāyavacanāni. Adhammena vūpasammatīti yasmā so adhammameva ‘‘ayaṃ dhammo’’tiādinā nayena mohetvā dasseti, tasmā adhammena vūpasammati nāma.
೧೮೮. ಧಮ್ಮೇನ ವೂಪಸಮ್ಮತೀತಿ ಯಸ್ಮಾ ಧಮ್ಮವಾದೀ ಧಮ್ಮಮೇವ ‘‘ಅಯಂ ಧಮ್ಮೋ’’ತಿಆದಿನಾ ನಯೇನ ಅಮೋಹೇತ್ವಾ ದಸ್ಸೇತಿ, ತಸ್ಮಾ ಧಮ್ಮೇನ ವೂಪಸಮ್ಮತಿ ನಾಮ।
188.Dhammena vūpasammatīti yasmā dhammavādī dhammameva ‘‘ayaṃ dhammo’’tiādinā nayena amohetvā dasseti, tasmā dhammena vūpasammati nāma.
ಸಮ್ಮುಖಾವಿನಯಕಥಾ ನಿಟ್ಠಿತಾ।
Sammukhāvinayakathā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಚೂಳವಗ್ಗಪಾಳಿ • Cūḷavaggapāḷi
೧. ಸಮ್ಮುಖಾವಿನಯೋ • 1. Sammukhāvinayo
ಕಣ್ಹಪಕ್ಖನವಕಂ • Kaṇhapakkhanavakaṃ
ಸುಕ್ಕಪಕ್ಖನವಕಂ • Sukkapakkhanavakaṃ
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಸಮ್ಮುಖಾವಿನಯಕಥಾವಣ್ಣನಾ • Sammukhāvinayakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ಸಮ್ಮುಖಾವಿನಯಕಥಾವಣ್ಣನಾ • Sammukhāvinayakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೧. ಸಮ್ಮುಖಾವಿನಯಕಥಾ • 1. Sammukhāvinayakathā
