| Library / Tipiṭaka / তিপিটক • Tipiṭaka / চূল়ৰগ্গ-অট্ঠকথা • Cūḷavagga-aṭṭhakathā |
৪. সমথক্খন্ধকং
4. Samathakkhandhakaṃ
সম্মুখাৰিনযকথা
Sammukhāvinayakathā
১৮৬-১৮৭. সমথক্খন্ধকে – ‘‘অধম্মৰাদী পুগ্গলো’’তিআদীনি ছ মাতিকাপদানি নিক্খিপিত্ৰা ‘‘অধম্মৰাদী পুগ্গলো ধম্মৰাদিং পুগ্গলং সঞ্ঞাপেতী’’তিআদিনা নযেন ৰিত্থারো ৰুত্তো। তত্থ সঞ্ঞাপেতীতি কারণপতিরূপকানি ৰত্ৰা পরিতোসেত্ৰা জানাপেতি। নিজ্ঝাপেতীতি যথা সো তং অত্থং নিজ্ঝাযতি, ওলোকেতি; এৰং করোতি। পেক্খতি অনুপেক্খতীতি যথা সো তং অত্থং পেক্খতি চেৰ পুনপ্পুনঞ্চ পেক্খতি; এৰং করোতি। দস্সেতি অনুদস্সেতীতি তেসঞ্ঞেৰ পরিযাযৰচনানি। অধম্মেন ৰূপসম্মতীতি যস্মা সো অধম্মমেৰ ‘‘অযং ধম্মো’’তিআদিনা নযেন মোহেত্ৰা দস্সেতি, তস্মা অধম্মেন ৰূপসম্মতি নাম।
186-187. Samathakkhandhake – ‘‘adhammavādī puggalo’’tiādīni cha mātikāpadāni nikkhipitvā ‘‘adhammavādī puggalo dhammavādiṃ puggalaṃ saññāpetī’’tiādinā nayena vitthāro vutto. Tattha saññāpetīti kāraṇapatirūpakāni vatvā paritosetvā jānāpeti. Nijjhāpetīti yathā so taṃ atthaṃ nijjhāyati, oloketi; evaṃ karoti. Pekkhati anupekkhatīti yathā so taṃ atthaṃ pekkhati ceva punappunañca pekkhati; evaṃ karoti. Dasseti anudassetīti tesaññeva pariyāyavacanāni. Adhammena vūpasammatīti yasmā so adhammameva ‘‘ayaṃ dhammo’’tiādinā nayena mohetvā dasseti, tasmā adhammena vūpasammati nāma.
১৮৮. ধম্মেন ৰূপসম্মতীতি যস্মা ধম্মৰাদী ধম্মমেৰ ‘‘অযং ধম্মো’’তিআদিনা নযেন অমোহেত্ৰা দস্সেতি, তস্মা ধম্মেন ৰূপসম্মতি নাম।
188.Dhammena vūpasammatīti yasmā dhammavādī dhammameva ‘‘ayaṃ dhammo’’tiādinā nayena amohetvā dasseti, tasmā dhammena vūpasammati nāma.
সম্মুখাৰিনযকথা নিট্ঠিতা।
Sammukhāvinayakathā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / চূল়ৰগ্গপাল়ি • Cūḷavaggapāḷi
১. সম্মুখাৰিনযো • 1. Sammukhāvinayo
কণ্হপক্খনৰকং • Kaṇhapakkhanavakaṃ
সুক্কপক্খনৰকং • Sukkapakkhanavakaṃ
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / সম্মুখাৰিনযকথাৰণ্ণনা • Sammukhāvinayakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / সম্মুখাৰিনযকথাৰণ্ণনা • Sammukhāvinayakathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ১. সম্মুখাৰিনযকথা • 1. Sammukhāvinayakathā
