| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
១០. សម្មាវត្តនសុត្តំ
10. Sammāvattanasuttaṃ
៩០. 1 ‘‘តស្សបាបិយសិកកម្មកតេន, ភិក្ខវេ, ភិក្ខុនា អដ្ឋសុ ធម្មេសុ សម្មា វត្តិតព្ពំ – ន ឧបសម្បាទេតព្ពោ, ន និស្សយោ ទាតព្ពោ, ន សាមណេរោ ឧបដ្ឋាបេតព្ពោ, ន ភិក្ខុនោវាទកសម្មុតិ សាទិតព្ពា, សម្មតេនបិ ភិក្ខុនិយោ ន ឱវទិតព្ពា, ន កាចិ សង្ឃសម្មុតិ សាទិតព្ពា, ន កិស្មិញ្ចិ បច្ចេកដ្ឋានេ ឋបេតព្ពោ, ន ច តេន មូលេន វុដ្ឋាបេតព្ពោ។ តស្សបាបិយសិកកម្មកតេន, ភិក្ខវេ, ភិក្ខុនា ឥមេសុ អដ្ឋសុ ធម្មេសុ សម្មា វត្តិតព្ព’’ន្តិ។ ទសមំ។
90.2 ‘‘Tassapāpiyasikakammakatena, bhikkhave, bhikkhunā aṭṭhasu dhammesu sammā vattitabbaṃ – na upasampādetabbo, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā, na kāci saṅghasammuti sāditabbā, na kismiñci paccekaṭṭhāne ṭhapetabbo, na ca tena mūlena vuṭṭhāpetabbo. Tassapāpiyasikakammakatena, bhikkhave, bhikkhunā imesu aṭṭhasu dhammesu sammā vattitabba’’nti. Dasamaṃ.
សតិវគ្គោ ចតុត្ថោ។
Sativaggo catuttho.
តស្សុទ្ទានំ –
Tassuddānaṃ –
សតិបុណ្ណិយមូលេន , ចោរសមណេន បញ្ចមំ;
Satipuṇṇiyamūlena , corasamaṇena pañcamaṃ;
យសោ បត្តប្បសាទេន, បដិសារណីយញ្ច វត្តនន្តិ។
Yaso pattappasādena, paṭisāraṇīyañca vattananti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១០. សម្មាវត្តនសុត្តវណ្ណនា • 10. Sammāvattanasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. សទ្ធាសុត្តាទិវណ្ណនា • 1-10. Saddhāsuttādivaṇṇanā
