| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. સમ્માવત્તનસુત્તં
10. Sammāvattanasuttaṃ
૯૦. 1 ‘‘તસ્સપાપિયસિકકમ્મકતેન, ભિક્ખવે, ભિક્ખુના અટ્ઠસુ ધમ્મેસુ સમ્મા વત્તિતબ્બં – ન ઉપસમ્પાદેતબ્બો, ન નિસ્સયો દાતબ્બો, ન સામણેરો ઉપટ્ઠાપેતબ્બો, ન ભિક્ખુનોવાદકસમ્મુતિ સાદિતબ્બા, સમ્મતેનપિ ભિક્ખુનિયો ન ઓવદિતબ્બા, ન કાચિ સઙ્ઘસમ્મુતિ સાદિતબ્બા, ન કિસ્મિઞ્ચિ પચ્ચેકટ્ઠાને ઠપેતબ્બો, ન ચ તેન મૂલેન વુટ્ઠાપેતબ્બો. તસ્સપાપિયસિકકમ્મકતેન, ભિક્ખવે, ભિક્ખુના ઇમેસુ અટ્ઠસુ ધમ્મેસુ સમ્મા વત્તિતબ્બ’’ન્તિ. દસમં.
90.2 ‘‘Tassapāpiyasikakammakatena, bhikkhave, bhikkhunā aṭṭhasu dhammesu sammā vattitabbaṃ – na upasampādetabbo, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā, na kāci saṅghasammuti sāditabbā, na kismiñci paccekaṭṭhāne ṭhapetabbo, na ca tena mūlena vuṭṭhāpetabbo. Tassapāpiyasikakammakatena, bhikkhave, bhikkhunā imesu aṭṭhasu dhammesu sammā vattitabba’’nti. Dasamaṃ.
સતિવગ્ગો ચતુત્થો.
Sativaggo catuttho.
તસ્સુદ્દાનં –
Tassuddānaṃ –
સતિપુણ્ણિયમૂલેન , ચોરસમણેન પઞ્ચમં;
Satipuṇṇiyamūlena , corasamaṇena pañcamaṃ;
યસો પત્તપ્પસાદેન, પટિસારણીયઞ્ચ વત્તનન્તિ.
Yaso pattappasādena, paṭisāraṇīyañca vattananti.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. સમ્માવત્તનસુત્તવણ્ણના • 10. Sammāvattanasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. સદ્ધાસુત્તાદિવણ્ણના • 1-10. Saddhāsuttādivaṇṇanā
