| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. সম্মাৰত্তনসুত্তং
10. Sammāvattanasuttaṃ
৯০. 1 ‘‘তস্সপাপিযসিককম্মকতেন, ভিক্খৰে, ভিক্খুনা অট্ঠসু ধম্মেসু সম্মা ৰত্তিতব্বং – ন উপসম্পাদেতব্বো, ন নিস্সযো দাতব্বো, ন সামণেরো উপট্ঠাপেতব্বো, ন ভিক্খুনোৰাদকসম্মুতি সাদিতব্বা, সম্মতেনপি ভিক্খুনিযো ন ওৰদিতব্বা, ন কাচি সঙ্ঘসম্মুতি সাদিতব্বা, ন কিস্মিঞ্চি পচ্চেকট্ঠানে ঠপেতব্বো, ন চ তেন মূলেন ৰুট্ঠাপেতব্বো। তস্সপাপিযসিককম্মকতেন, ভিক্খৰে, ভিক্খুনা ইমেসু অট্ঠসু ধম্মেসু সম্মা ৰত্তিতব্ব’’ন্তি। দসমং।
90.2 ‘‘Tassapāpiyasikakammakatena, bhikkhave, bhikkhunā aṭṭhasu dhammesu sammā vattitabbaṃ – na upasampādetabbo, na nissayo dātabbo, na sāmaṇero upaṭṭhāpetabbo, na bhikkhunovādakasammuti sāditabbā, sammatenapi bhikkhuniyo na ovaditabbā, na kāci saṅghasammuti sāditabbā, na kismiñci paccekaṭṭhāne ṭhapetabbo, na ca tena mūlena vuṭṭhāpetabbo. Tassapāpiyasikakammakatena, bhikkhave, bhikkhunā imesu aṭṭhasu dhammesu sammā vattitabba’’nti. Dasamaṃ.
সতিৰগ্গো চতুত্থো।
Sativaggo catuttho.
তস্সুদ্দানং –
Tassuddānaṃ –
সতিপুণ্ণিযমূলেন , চোরসমণেন পঞ্চমং।
Satipuṇṇiyamūlena , corasamaṇena pañcamaṃ;
যসো পত্তপ্পসাদেন, পটিসারণীযঞ্চ ৰত্তনন্তি॥
Yaso pattappasādena, paṭisāraṇīyañca vattananti.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. সম্মাৰত্তনসুত্তৰণ্ণনা • 10. Sammāvattanasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. সদ্ধাসুত্তাদিৰণ্ণনা • 1-10. Saddhāsuttādivaṇṇanā
