| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౬. సమ్మాసమ్బుద్ధసుత్తవణ్ణనా
6. Sammāsambuddhasuttavaṇṇanā
౫౮. ఛట్ఠే కో అధిప్పయాసోతి కో అధికపయోగో. అనుప్పన్నస్సాతి ఇమఞ్హి మగ్గం కస్సపసమ్మాసమ్బుద్ధో ఉప్పాదేసి, అన్తరా అఞ్ఞో సత్థా ఉప్పాదేతుం నాసక్ఖి, ఇతి భగవా అనుప్పన్నస్స మగ్గస్స ఉప్పాదేతా నామ. నగరోపమస్మిఞ్హి అవళఞ్జనట్ఠానేసు పురాణమగ్గో జాతో, ఇధ అవత్తమానట్ఠేన అనుప్పన్నమగ్గో నామ. అసఞ్జాతస్సాతి తస్సేవ వేవచనం. అనక్ఖాతస్సాతి అకథితస్స. మగ్గం జానాతీతి మగ్గఞ్ఞూ. మగ్గం విదితం పాకటం అకాసీతి మగ్గవిదూ. మగ్గే చ అమగ్గే చ కోవిదోతి మగ్గకోవిదో. మగ్గానుగాతి మగ్గం అనుగచ్ఛన్తా. పచ్ఛా సమన్నాగతాతి అహం పఠమం గతో, సావకా పచ్ఛా సమన్నాగతా. ఛట్ఠం.
58. Chaṭṭhe ko adhippayāsoti ko adhikapayogo. Anuppannassāti imañhi maggaṃ kassapasammāsambuddho uppādesi, antarā añño satthā uppādetuṃ nāsakkhi, iti bhagavā anuppannassa maggassa uppādetā nāma. Nagaropamasmiñhi avaḷañjanaṭṭhānesu purāṇamaggo jāto, idha avattamānaṭṭhena anuppannamaggo nāma. Asañjātassāti tasseva vevacanaṃ. Anakkhātassāti akathitassa. Maggaṃ jānātīti maggaññū. Maggaṃ viditaṃ pākaṭaṃ akāsīti maggavidū. Magge ca amagge ca kovidoti maggakovido. Maggānugāti maggaṃ anugacchantā. Pacchā samannāgatāti ahaṃ paṭhamaṃ gato, sāvakā pacchā samannāgatā. Chaṭṭhaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౬. సమ్మాసమ్బుద్ధసుత్తం • 6. Sammāsambuddhasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౬. సమ్మాసమ్బుద్ధసుత్తవణ్ణనా • 6. Sammāsambuddhasuttavaṇṇanā
