| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৬. সম্মাসম্বুদ্ধসুত্তৰণ্ণনা
6. Sammāsambuddhasuttavaṇṇanā
৫৮. ছট্ঠে কো অধিপ্পযাসোতি কো অধিকপযোগো। অনুপ্পন্নস্সাতি ইমঞ্হি মগ্গং কস্সপসম্মাসম্বুদ্ধো উপ্পাদেসি, অন্তরা অঞ্ঞো সত্থা উপ্পাদেতুং নাসক্খি, ইতি ভগৰা অনুপ্পন্নস্স মগ্গস্স উপ্পাদেতা নাম। নগরোপমস্মিঞ্হি অৰল়ঞ্জনট্ঠানেসু পুরাণমগ্গো জাতো, ইধ অৰত্তমানট্ঠেন অনুপ্পন্নমগ্গো নাম। অসঞ্জাতস্সাতি তস্সেৰ ৰেৰচনং। অনক্খাতস্সাতি অকথিতস্স। মগ্গং জানাতীতি মগ্গঞ্ঞূ। মগ্গং ৰিদিতং পাকটং অকাসীতি মগ্গৰিদূ। মগ্গে চ অমগ্গে চ কোৰিদোতি মগ্গকোৰিদো। মগ্গানুগাতি মগ্গং অনুগচ্ছন্তা। পচ্ছা সমন্নাগতাতি অহং পঠমং গতো, সাৰকা পচ্ছা সমন্নাগতা। ছট্ঠং।
58. Chaṭṭhe ko adhippayāsoti ko adhikapayogo. Anuppannassāti imañhi maggaṃ kassapasammāsambuddho uppādesi, antarā añño satthā uppādetuṃ nāsakkhi, iti bhagavā anuppannassa maggassa uppādetā nāma. Nagaropamasmiñhi avaḷañjanaṭṭhānesu purāṇamaggo jāto, idha avattamānaṭṭhena anuppannamaggo nāma. Asañjātassāti tasseva vevacanaṃ. Anakkhātassāti akathitassa. Maggaṃ jānātīti maggaññū. Maggaṃ viditaṃ pākaṭaṃ akāsīti maggavidū. Magge ca amagge ca kovidoti maggakovido. Maggānugāti maggaṃ anugacchantā. Pacchā samannāgatāti ahaṃ paṭhamaṃ gato, sāvakā pacchā samannāgatā. Chaṭṭhaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. সম্মাসম্বুদ্ধসুত্তং • 6. Sammāsambuddhasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৬. সম্মাসম্বুদ্ধসুত্তৰণ্ণনা • 6. Sammāsambuddhasuttavaṇṇanā
