| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
8. саммаббад̇хаанавибхан̇г̇о
8. Sammappadhānavibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
390. гааран̣аббад̇хаанаад̇и ‘‘ануббаннабаабагаануббаад̣̇аад̣̇иад̇т̇аа’’д̇и г̇ахид̇аа д̇ат̇зва д̇з хонд̇ийд̇и д̇ам̣ ад̇т̇ам̣ саад̇хзнд̇иязваад̇и зд̇асса ад̇т̇асса д̣̇ийбаго саммаа-сад̣̇д̣̇од̇и яат̇аад̇хиббзд̇ад̇т̇асса ануббаннабаабагаануббаад̣̇аад̣̇ино гааран̣абхууд̇аа, бад̇хаанагааран̣абхууд̇аад̇и ад̇т̇о. саммаасад̣̇д̣̇асса убааяаяонисоад̇т̇ад̣̇ийбагад̇ам̣ санд̇хааяа ‘‘убааяаббад̇хаанаа яонисобад̇хаанаа’’д̇и вуд̇д̇ам̣. бадибаннагод̇и бхааванамануяуд̇д̇о. бхусам̣ яог̇о баяог̇о, баяог̇ова бараггамо баяог̇абараггамо. зд̇аанийд̇и ‘‘вааяамад̇ий’’д̇иаад̣̇ийни ‘‘аасзвамаано вааяамад̇ий’’д̇иаад̣̇инаа яож̇зд̇аб̣б̣аани.
390. Kāraṇappadhānāti ‘‘anuppannapāpakānuppādādiatthā’’ti gahitā tatheva te hontīti taṃ atthaṃ sādhentiyevāti etassa atthassa dīpako sammā-saddoti yathādhippetatthassa anuppannapāpakānuppādādino kāraṇabhūtā, padhānakāraṇabhūtāti attho. Sammāsaddassa upāyayonisoatthadīpakataṃ sandhāya ‘‘upāyappadhānā yonisopadhānā’’ti vuttaṃ. Paṭipannakoti bhāvanamanuyutto. Bhusaṃ yogo payogo, payogova parakkamo payogaparakkamo. Etānīti ‘‘vāyamatī’’tiādīni ‘‘āsevamāno vāyamatī’’tiādinā yojetabbāni.
ануббаннаад̇и авад̇д̇аб̣б̣ад̇ам̣ аабаннаананд̇и бхуумилад̣̇д̇хаарамман̣аад̇хиг̇г̇ахид̇аавигкамбхид̇аасамуг̇гхаад̇ид̇уббаннаанам̣.
Anuppannāti avattabbataṃ āpannānanti bhūmiladdhārammaṇādhiggahitāvikkhambhitāsamugghātituppannānaṃ.
391. д̇хаммажчанд̣̇од̇и д̇ан̣хаад̣̇идтивийрияажчанд̣̇аа вияа на ан̃н̃о д̇хаммо, ат̇а ко чанд̣̇анияасабхааво зваад̇и д̣̇ассзнд̇о ааха ‘‘сабхааважчанд̣̇о’’д̇и. д̇ад̇т̇а ‘‘яо гаамзсу гаамажчанд̣̇о’’д̇иаад̣̇ийсу (д̇ха. са. 1103) д̇ан̣хаа чанд̣̇од̇и вуд̇д̇аад̇и взд̣̇ид̇аб̣б̣о, ‘‘саб̣б̣зва ну ко, маариса, саман̣аб̣раахман̣аа зганд̇аваад̣̇аа зганд̇асийлаа зганд̇ачанд̣̇аа зганд̇ааж̇жхосаанаа’’д̇и (д̣̇ий. ни. 2.366) зд̇т̇а д̣̇идти, бамаад̣̇анид̣̇д̣̇зсз ‘‘нигкид̇д̇ачанд̣̇ад̇аа нигкид̇д̇ад̇хурад̇аа’’д̇и вийрияанд̇и ван̣н̣зд̇и.
391. Dhammacchandoti taṇhādiṭṭhivīriyacchandā viya na añño dhammo, atha kho chandaniyasabhāvo evāti dassento āha ‘‘sabhāvacchando’’ti. Tattha ‘‘yo kāmesu kāmacchando’’tiādīsu (dha. sa. 1103) taṇhā chandoti vuttāti veditabbo, ‘‘sabbeva nu kho, mārisa, samaṇabrāhmaṇā ekantavādā ekantasīlā ekantachandā ekantaajjhosānā’’ti (dī. ni. 2.366) ettha diṭṭhi, pamādaniddese ‘‘nikkhittachandatā nikkhittadhuratā’’ti vīriyanti vaṇṇeti.
394. вааяамад̇и вийрияам̣ аарабхад̇ийд̇и бад̣̇ад̣̇ваяассаби нид̣̇д̣̇зсо вийрияанид̣̇д̣̇зсоязваад̇и ад̇хиббааязнааха ‘‘вийрияанид̣̇д̣̇зсз’’д̇и.
394. Vāyamativīriyaṃ ārabhatīti padadvayassapi niddeso vīriyaniddesoyevāti adhippāyenāha ‘‘vīriyaniddese’’ti.
406. саб̣б̣абуб̣б̣абхааг̇зд̇и саб̣б̣амаг̇г̇аанам̣ буб̣б̣абхааг̇з. буримасминд̇и ‘‘ануббаннаа мз гусалаа д̇хаммаа ануббаж̇ж̇амаанаа анад̇т̇ааяа сам̣вад̇д̇зяяу’’нд̇и зд̇т̇ааби ‘‘самат̇авибассанаава г̇ахзд̇аб̣б̣аа’’д̇и вуд̇д̇ам̣ адтагат̇ааяам̣, д̇ам̣ бана маг̇г̇аануббаннад̇ааяа бхаавад̇о ануббаж̇ж̇амаанз жа д̇асмим̣ ваддаанад̇т̇асам̣вад̇д̇анад̇о на яуд̇д̇анд̇и бадигкибад̇и.
406. Sabbapubbabhāgeti sabbamaggānaṃ pubbabhāge. Purimasminti ‘‘anuppannā me kusalā dhammā anuppajjamānā anatthāya saṃvatteyyu’’nti etthāpi ‘‘samathavipassanāva gahetabbā’’ti vuttaṃ aṭṭhakathāyaṃ, taṃ pana maggānuppannatāya bhāvato anuppajjamāne ca tasmiṃ vaṭṭānatthasaṃvattanato na yuttanti paṭikkhipati.
маханд̇ам̣ г̇ааравам̣ ход̇и, д̇асмаа ‘‘сан̇гхаг̇ааравзна яат̇ааружи винд̣̇ид̇ум̣ на саггаа’’д̇и сан̇гхзна саха на нигками. ад̇иманд̣̇аани нод̇и нану ад̇иманд̣̇аанийд̇и ад̇т̇о. санд̇асамаабад̇д̇ид̇о ан̃н̃ам̣ сант̇амбханагааран̣ам̣ б̣алавам̣ над̇т̇ийд̇и ‘‘д̇ад̇о барихийнаа сант̇амбхид̇ум̣ на саггонд̇ий’’д̇и ааха. на хи махаараж̇ж̇умхи чиннз суд̇д̇ад̇анд̇уу санд̇хаарзд̇ум̣ саггонд̇ийд̇и. самат̇з вад̇т̇ум̣ д̣̇ассзд̇ваа д̇зна самаанаг̇ад̇игаа вибассанаа жаад̇и иминаа ад̇хиббааязнааха ‘‘звам̣ уббаннаа самат̇авибассанаа…бз… сам̣вад̇д̇анд̇ий’’д̇и.
Mahantaṃgāravaṃ hoti, tasmā ‘‘saṅghagāravena yathāruci vindituṃ na sakkā’’ti saṅghena saha na nikkhami. Atimandāni noti nanu atimandānīti attho. Santasamāpattito aññaṃ santhambhanakāraṇaṃ balavaṃ natthīti ‘‘tato parihīnā santhambhituṃ na sakkontī’’ti āha. Na hi mahārajjumhi chinne suttatantū sandhāretuṃ sakkontīti. Samathe vatthuṃ dassetvā tena samānagatikā vipassanā cāti iminā adhippāyenāha ‘‘evaṃ uppannā samathavipassanā…pe… saṃvattantī’’ti.
д̇ад̇т̇а ануббаннаананд̇и зд̇т̇а д̇ад̇т̇а д̣̇увид̇хааяа саммаббад̇хаанагат̇ааяа, д̇ад̇т̇а ваа баал̣ияам̣ ‘‘ануббаннаана’’нд̇и зд̇асса аяам̣ винижчаяод̇и ад̇хиббааяо. зд̇зязваад̇и анамад̇аг̇г̇з сам̣саарз уббаннааязва.
Tattha anuppannānanti ettha tattha duvidhāya sammappadhānakathāya, tattha vā pāḷiyaṃ ‘‘anuppannāna’’nti etassa ayaṃ vinicchayoti adhippāyo. Eteyevāti anamatagge saṃsāre uppannāyeva.
жуд̣̇д̣̇аса махаавад̇д̇аани канд̇хагз вуд̇д̇аани ааг̇анд̇угаааваасигаг̇амигаанумод̣̇ана бхад̇д̇аг̇г̇а бин̣д̣ажаарига ааран̃н̃ига сзнаасана ж̇анд̇аагхараважжагуди аажарияаубаж̇жхааяасад̣̇д̇хивихааригаанд̇зваасигавад̇д̇аани жуд̣̇д̣̇аса. д̇ад̇о ан̃н̃аани бана гад̣̇аажи д̇аж̇ж̇анийяагаммагад̇аад̣̇игаалз баариваасигаад̣̇игаалз жа жарид̇аб̣б̣аани д̣̇ваасийд̇и куд̣̇д̣̇агавад̇д̇аанийд̇и гат̇ид̇аани д̣̇адтаб̣б̣аани. на хи д̇аани саб̣б̣аасу авад̇т̇аасу жарид̇аб̣б̣аани, д̇асмаа махаавад̇д̇з аг̇ан̣ид̇аани. д̇ад̇т̇а ‘‘баариваасигаанам̣ бхигкуунам̣ вад̇д̇ам̣ бан̃н̃аабзссаамий’’д̇и аарабхид̇ваа ‘‘на убасамбаад̣̇зд̇аб̣б̣ам̣…бз… на чамааяам̣ жан̇гаманд̇з жан̇гамз жан̇гамид̇аб̣б̣а’’нд̇и (жуул̣ава. 76) вуд̇д̇аани багад̇ад̇д̇з жарид̇аб̣б̣авад̇д̇аавасаанаани часадти, д̇ад̇о барам̣ ‘‘на, бхигкавз, баариваасигзна бхигкунаа баариваасигавуд̣дхад̇арзна бхигкунаа сад̣̇д̇хим̣, муулааяабадигассанаарахзна, маанад̇д̇аарахзна, маанад̇д̇ажааригзна, аб̣бхаанаарахзна бхигкунаа сад̣̇д̇хим̣ згажчаннз ааваасз вад̇т̇аб̣б̣а’’нд̇иаад̣̇ийни (жуул̣ава. 82) багад̇ад̇д̇з жарид̇аб̣б̣зхи анан̃н̃ад̇д̇аа висум̣ висум̣ аг̇ан̣зд̇ваа баариваасигавуд̣дхад̇араад̣̇ийсу буг̇г̇аланд̇арзсу жарид̇аб̣б̣ад̇д̇аа д̇зсам̣ васзна самбин̣д̣зд̇ваа згзгам̣ гад̇ваа г̇ан̣зд̇аб̣б̣аани бан̃жаад̇и згасад̇д̇ад̇и вад̇д̇аани, угкзбанийяагаммагад̇авад̇д̇зсу вад̇д̇абан̃н̃аабанавасзна вуд̇д̇ам̣ ‘‘на багад̇ад̇д̇асса бхигкуно абхиваад̣̇анам̣ бажжудтаанам̣…бз… нахаанз бидтибаригаммам̣ саад̣̇ид̇аб̣б̣а’’нд̇и (жуул̣ава. 75) ид̣̇ам̣ абхиваад̣̇анаад̣̇ийнам̣ ассаад̣̇ияанам̣ згам̣, ‘‘на багад̇ад̇д̇о бхигку сийлавибад̇д̇ияаа ануд̣̇д̇хам̣сзд̇аб̣б̣о’’д̇иаад̣̇ийни (жуул̣ава. 51) жа д̣̇асаад̇и звам̣ д̣̇ваасийд̇и хонд̇и. зд̇зсвзва гаанижи д̇аж̇ж̇анийяагаммагад̇аад̣̇ивад̇д̇аани, гаанижи баариваасигаад̣̇ивад̇д̇аанийд̇и аг̇г̇ахид̇аг̇г̇ахан̣зна д̣̇ваасийд̇ивад̇д̇анд̇и д̣̇адтаб̣б̣ам̣.
Cuddasa mahāvattāni khandhake vuttāni āgantukaāvāsikagamikaanumodana bhattagga piṇḍacārika āraññika senāsana jantāgharavaccakuṭi ācariyaupajjhāyasaddhivihārikaantevāsikavattāni cuddasa. Tato aññāni pana kadāci tajjanīyakammakatādikāle pārivāsikādikāle ca caritabbāni dvāsīti khuddakavattānīti kathitāni daṭṭhabbāni. Na hi tāni sabbāsu avatthāsu caritabbāni, tasmā mahāvatte agaṇitāni. Tattha ‘‘pārivāsikānaṃ bhikkhūnaṃ vattaṃ paññāpessāmī’’ti ārabhitvā ‘‘na upasampādetabbaṃ…pe… na chamāyaṃ caṅkamante caṅkame caṅkamitabba’’nti (cūḷava. 76) vuttāni pakatatte caritabbavattāvasānāni chasaṭṭhi, tato paraṃ ‘‘na, bhikkhave, pārivāsikena bhikkhunā pārivāsikavuḍḍhatarena bhikkhunā saddhiṃ, mūlāyapaṭikassanārahena, mānattārahena, mānattacārikena, abbhānārahena bhikkhunā saddhiṃ ekacchanne āvāse vatthabba’’ntiādīni (cūḷava. 82) pakatatte caritabbehi anaññattā visuṃ visuṃ agaṇetvā pārivāsikavuḍḍhatarādīsu puggalantaresu caritabbattā tesaṃ vasena sampiṇḍetvā ekekaṃ katvā gaṇetabbāni pañcāti ekasattati vattāni, ukkhepanīyakammakatavattesu vattapaññāpanavasena vuttaṃ ‘‘na pakatattassa bhikkhuno abhivādanaṃ paccuṭṭhānaṃ…pe… nahāne piṭṭhiparikammaṃ sāditabba’’nti (cūḷava. 75) idaṃ abhivādanādīnaṃ assādiyanaṃ ekaṃ, ‘‘na pakatatto bhikkhu sīlavipattiyā anuddhaṃsetabbo’’tiādīni (cūḷava. 51) ca dasāti evaṃ dvāsīti honti. Etesveva kānici tajjanīyakammakatādivattāni, kānici pārivāsikādivattānīti aggahitaggahaṇena dvāsītivattanti daṭṭhabbaṃ.
ид̇ха вибаагаанубхаванавасзна д̇ад̣̇аарамман̣ам̣, авибаггавибаагасса саб̣б̣ат̇аа авиг̇ад̇ад̇д̇аа бхавид̇ваа виг̇ад̇амад̇д̇авасзна гамман̃жа ‘‘бхуд̇ваа виг̇ад̇уббанна’’нд̇и вуд̇д̇ам̣, на адтасаалинияам̣ (д̇ха. са. адта. 1) вияа раж̇ж̇анаад̣̇ивасзна анубхуд̇ваабаг̇ад̇ам̣ ж̇аванам̣, уббаж̇ж̇ид̇ваа нируд̣̇д̇хад̇аавасзна бхууд̇аабаг̇ад̇асан̇каад̇ам̣ сзсасан̇кад̇ан̃жа ‘‘бхууд̇аабаг̇ад̇уббанна’’нд̇и, д̇асмаа ид̇ха огаасагад̇уббаннам̣ вибаагамзва вад̣̇ад̇и, на д̇ад̇т̇а вияа гаммамбийд̇и. анусаяид̇агилзсаад̇и аббахийнаа маг̇г̇зна бахаад̇аб̣б̣аа ад̇хиббзд̇аа. д̇знааха ‘‘ад̇ийд̇аа ваа…бз… на вад̇д̇аб̣б̣аа’’д̇и. д̇зсан̃хи амб̣ад̇арун̣обамааяа вад̇д̇амаанаад̣̇ид̇аа на вад̇д̇аб̣б̣аад̇и.
Idha vipākānubhavanavasena tadārammaṇaṃ, avipakkavipākassa sabbathā avigatattā bhavitvā vigatamattavasena kammañca ‘‘bhutvā vigatuppanna’’nti vuttaṃ, na aṭṭhasāliniyaṃ (dha. sa. aṭṭha. 1) viya rajjanādivasena anubhutvāpagataṃ javanaṃ, uppajjitvā niruddhatāvasena bhūtāpagatasaṅkhātaṃ sesasaṅkhatañca ‘‘bhūtāpagatuppanna’’nti, tasmā idha okāsakatuppannaṃ vipākameva vadati, na tattha viya kammampīti. Anusayitakilesāti appahīnā maggena pahātabbā adhippetā. Tenāha ‘‘atītā vā…pe… na vattabbā’’ti. Tesañhi ambataruṇopamāya vattamānāditā na vattabbāti.
аахад̇акийраругко вияа нимид̇д̇аг̇г̇аахавасзна ад̇хиг̇ад̇ам̣ аарамман̣ам̣, анаахад̇акийраругко вияа авигкамбхид̇ад̇ааяа анд̇ог̇ад̇хагилзсам̣ аарамман̣ам̣ д̣̇адтаб̣б̣ам̣, нимид̇д̇аг̇г̇аахагаавигкамбхид̇агилзсаа ваа буг̇г̇алаа аахад̇аанаахад̇акийраругкасад̣̇исаа. буриманаязнзваад̇и авигкамбхид̇уббаннз вияа ‘‘имасмим̣ наама таанз нуббаж̇ж̇иссанд̇ийд̇и на вад̇д̇аб̣б̣аа асамуг̇гхаадид̇ад̇д̇аа’’д̇и яож̇зд̇ваа вид̇т̇аарзд̇аб̣б̣ам̣.
Āhatakhīrarukkho viya nimittaggāhavasena adhigataṃ ārammaṇaṃ, anāhatakhīrarukkho viya avikkhambhitatāya antogadhakilesaṃ ārammaṇaṃ daṭṭhabbaṃ, nimittaggāhakāvikkhambhitakilesā vā puggalā āhatānāhatakhīrarukkhasadisā. Purimanayenevāti avikkhambhituppanne viya ‘‘imasmiṃ nāma ṭhāne nuppajjissantīti na vattabbā asamugghāṭitattā’’ti yojetvā vitthāretabbaṃ.
баал̣ияанд̇и бадисамбхид̣̇аабаал̣ияам̣ (бади. ма. 3.21). маг̇г̇зна бахийнагилзсаанамзва д̇ид̇хаа навад̇д̇аб̣б̣ад̇ам̣ абаагадам̣ баагадам̣ гаад̇ум̣ аж̇аад̇апаларугко аабхад̇о, ад̇ийд̇аад̣̇ийнам̣ аббахийнад̇аад̣̇ассанад̇т̇амби ‘‘ж̇аад̇апаларугкзна д̣̇ийбзд̇аб̣б̣а’’нд̇и ааха. д̇ад̇т̇а яат̇аа ажчиннз ругкз ниб̣б̣ад̇д̇ирахаани палаани чиннз ануббаж̇ж̇амаанаани на гад̣̇аажи сасабхааваани ахзсум̣ хонд̇и бхависсанд̇и жаад̇и ад̇ийд̇аад̣̇ибхаавзна на вад̇д̇аб̣б̣аани, звам̣ маг̇г̇зна бахийнагилзсаа жа д̣̇адтаб̣б̣аа. яат̇аа жа чзд̣̇з асад̇и палаани уббаж̇ж̇иссанд̇и, сад̇и жа нуббаж̇ж̇иссанд̇ийд̇и чзд̣̇асса саад̇т̇агад̇аа, звам̣ маг̇г̇абхааванааяа жа саад̇т̇агад̇аа яож̇зд̇аб̣б̣аа.
Pāḷiyanti paṭisambhidāpāḷiyaṃ (paṭi. ma. 3.21). Maggena pahīnakilesānameva tidhā navattabbataṃ apākaṭaṃ pākaṭaṃ kātuṃ ajātaphalarukkho ābhato, atītādīnaṃ appahīnatādassanatthampi ‘‘jātaphalarukkhena dīpetabba’’nti āha. Tattha yathā acchinne rukkhe nibbattirahāni phalāni chinne anuppajjamānāni na kadāci sasabhāvāni ahesuṃ honti bhavissanti cāti atītādibhāvena na vattabbāni, evaṃ maggena pahīnakilesā ca daṭṭhabbā. Yathā ca chede asati phalāni uppajjissanti, sati ca nuppajjissantīti chedassa sātthakatā, evaṃ maggabhāvanāya ca sātthakatā yojetabbā.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
427. бан̃хабужчагз яам̣ вуд̇д̇ам̣ ‘‘вийрияаж̇здтигааяа бана ан̃н̃асса вийрияасса абхааваа на вад̇д̇аб̣б̣аани маг̇г̇аад̇хибад̇ийнийд̇и ваа на маг̇г̇аад̇хибад̇ийнийд̇и ваа’’д̇и, зд̇т̇а ‘‘маг̇г̇аад̇хибад̇ийний’’д̇и на вад̇д̇аб̣б̣ад̇ааяа зва ан̃н̃асса вийрияасса абхааво гааран̣анд̇и д̣̇адтаб̣б̣ам̣. чанд̣̇асса бана жид̇д̇асса ваа намаг̇г̇абхууд̇асса ад̇хибад̇ино д̇ад̣̇аа абхааваа ‘‘на маг̇г̇аад̇хибад̇ийний’’д̇и на вад̇д̇аб̣б̣аанийд̇и вуд̇д̇ам̣. чанд̣̇ажид̇д̇аанам̣ вияа намаг̇г̇абхууд̇асса ан̃н̃асса вийрияаад̇хибад̇ино абхааваад̇и ваа ад̇хиббааяо. саммаббад̇хаанаанам̣ д̇ад̣̇аа маг̇г̇асан̇каад̇аад̇хибад̇ибхаавад̇о ваа ‘‘на маг̇г̇аад̇хибад̇ийний’’д̇и навад̇д̇аб̣б̣ад̇аа вуд̇д̇аад̇и взд̣̇ид̇аб̣б̣аа.
427. Pañhapucchake yaṃ vuttaṃ ‘‘vīriyajeṭṭhikāya pana aññassa vīriyassa abhāvā na vattabbāni maggādhipatīnīti vā na maggādhipatīnīti vā’’ti, ettha ‘‘maggādhipatīnī’’ti na vattabbatāya eva aññassa vīriyassa abhāvo kāraṇanti daṭṭhabbaṃ. Chandassa pana cittassa vā namaggabhūtassa adhipatino tadā abhāvā ‘‘na maggādhipatīnī’’ti na vattabbānīti vuttaṃ. Chandacittānaṃ viya namaggabhūtassa aññassa vīriyādhipatino abhāvāti vā adhippāyo. Sammappadhānānaṃ tadā maggasaṅkhātaadhipatibhāvato vā ‘‘na maggādhipatīnī’’ti navattabbatā vuttāti veditabbā.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
саммаббад̇хаанавибхан̇г̇аван̣н̣анаа нидтид̇аа.
Sammappadhānavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 8. саммаббад̇хаанавибхан̇г̇о • 8. Sammappadhānavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
3. бан̃хаабужчагаван̣н̣анаа • 3. Pañhāpucchakavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 8. саммаббад̇хаанавибхан̇г̇о • 8. Sammappadhānavibhaṅgo
