| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၂. သမ္မာဒိဋ္ဌိသုတ္တံ
2. Sammādiṭṭhisuttaṃ
၇၂. ‘‘စတူဟိ, ဘိက္ခဝေ, ဓမ္မေဟိ သမန္နာဂတော ဘိက္ခု အပဏ္ဏကပ္ပဋိပဒံ ပဋိပန္နော ဟောတိ, ယောနိ စသ္သ အာရဒ္ဓာ ဟောတိ အာသဝာနံ ခယာယ။ ကတမေဟိ စတူဟိ? နေက္ခမ္မဝိတက္ကေန, အဗ္ယာပာဒဝိတက္ကေန, အဝိဟိံသာဝိတက္ကေန, သမ္မာဒိဋ္ဌိယာ – ဣမေဟိ ခော, ဘိက္ခဝေ, စတူဟိ ဓမ္မေဟိ သမန္နာဂတော ဘိက္ခု အပဏ္ဏကပ္ပဋိပဒံ ပဋိပန္နော ဟောတိ, ယောနိ စသ္သ အာရဒ္ဓာ ဟောတိ အာသဝာနံ ခယာယာ’’တိ။ ဒုတိယံ။
72. ‘‘Catūhi, bhikkhave, dhammehi samannāgato bhikkhu apaṇṇakappaṭipadaṃ paṭipanno hoti, yoni cassa āraddhā hoti āsavānaṃ khayāya. Katamehi catūhi? Nekkhammavitakkena, abyāpādavitakkena, avihiṃsāvitakkena, sammādiṭṭhiyā – imehi kho, bhikkhave, catūhi dhammehi samannāgato bhikkhu apaṇṇakappaṭipadaṃ paṭipanno hoti, yoni cassa āraddhā hoti āsavānaṃ khayāyā’’ti. Dutiyaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၂. ပဓာနသုတ္တာဒိဝဏ္ဏနာ • 1-2. Padhānasuttādivaṇṇanā
