| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
३. संखित्तसुत्तवण्णना
3. Saṃkhittasuttavaṇṇanā
५३. ततिये सरागायाति सरागत्थाय। विरागायाति विरज्जनत्थाय। संयोगायाति वट्टे संयोगत्थाय। विसंयोगायाति वट्टे विसंयोगभावत्थाय। आचयायाति वट्टस्स वड्ढनत्थाय। नो अपचयायाति न वट्टविद्धंसनत्थाय। दुब्भरतायाति दुप्पोसनत्थाय। नो सुभरतायाति न सुखपोसनत्थाय। इमस्मिं सुत्ते पठमवारेन वट्टं कथितं, दुतियवारेन विवट्टं कथितं। इमिना च पन ओवादेन गोतमी अरहत्तं पत्ताति।
53. Tatiye sarāgāyāti sarāgatthāya. Virāgāyāti virajjanatthāya. Saṃyogāyāti vaṭṭe saṃyogatthāya. Visaṃyogāyāti vaṭṭe visaṃyogabhāvatthāya. Ācayāyāti vaṭṭassa vaḍḍhanatthāya. No apacayāyāti na vaṭṭaviddhaṃsanatthāya. Dubbharatāyāti dupposanatthāya. No subharatāyāti na sukhaposanatthāya. Imasmiṃ sutte paṭhamavārena vaṭṭaṃ kathitaṃ, dutiyavārena vivaṭṭaṃ kathitaṃ. Iminā ca pana ovādena gotamī arahattaṃ pattāti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ३. संखित्तसुत्तं • 3. Saṃkhittasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-३. गोतमीसुत्तादिवण्णना • 1-3. Gotamīsuttādivaṇṇanā
