| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၃. ပုဂ္ဂလဝဂ္ဂော
3. Puggalavaggo
၁. သမိဒ္ဓသုတ္တဝဏ္ဏနာ
1. Samiddhasuttavaṇṇanā
၂၁. တတိယသ္သ ပဌမေ ရုစ္စတီတိ ကာယသက္ခိအာဒီသု ပုဂ္ဂလေသု အတိဝိယ သုန္ဒရတရပဏီတတရဘာဝေန တေ စိတ္တသ္သ အဘိရုစိဥပ္ပာဒကော ကတမောတိ ပုစ္ဆတိ။ သဒ္ဓိန္ဒ္ရိယံ ဓုရံ အဟောသိ သဒ္ဓာဓုရံ မဂ္ဂဝုဋ္ဌာနန္တိ ကတ္ဝာ, သေသိန္ဒ္ရိယာနိ ပန ကထန္တိ အာဟ ‘‘သေသာနီ’’တိအာဒိ။ ပဋိဝိဒ္ဓမဂ္ဂောဝာတိ တီဟိပိ ထေရေဟိ အတ္တနော အတ္တနော ပဋိဝိဒ္ဓအရဟတ္တမဂ္ဂော ဧဝ ကထိတော, တသ္မာ န သုကရံ ဧကံသေန ဗ္ယာကာတုံ ‘‘အယံ။ပေ.။ ပဏီတတရော စာ’’တိ။ ဘုမ္မန္တရေနေဝ ကထေသိ ‘‘တီသုပိ ပုဂ္ဂလေသု အဂ္ဂမဂ္ဂဋ္ဌောဝ ပဏီတတရော’’တိ။
21. Tatiyassa paṭhame ruccatīti kāyasakkhiādīsu puggalesu ativiya sundaratarapaṇītatarabhāvena te cittassa abhiruciuppādako katamoti pucchati. Saddhindriyaṃ dhuraṃ ahosi saddhādhuraṃ maggavuṭṭhānanti katvā, sesindriyāni pana kathanti āha ‘‘sesānī’’tiādi. Paṭividdhamaggovāti tīhipi therehi attano attano paṭividdhaarahattamaggo eva kathito, tasmā na sukaraṃ ekaṃsena byākātuṃ ‘‘ayaṃ…pe… paṇītataro cā’’ti. Bhummantareneva kathesi ‘‘tīsupi puggalesu aggamaggaṭṭhova paṇītataro’’ti.
သမိဒ္ဓသုတ္တဝဏ္ဏနာ နိဋ္ဌိတာ။
Samiddhasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁. သမိဒ္ဓသုတ္တံ • 1. Samiddhasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. သမိဒ္ဓသုတ္တဝဏ္ဏနာ • 1. Samiddhasuttavaṇṇanā
