| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৩. পুগ্গলৰগ্গো
3. Puggalavaggo
১. সমিদ্ধসুত্তৰণ্ণনা
1. Samiddhasuttavaṇṇanā
২১. ততিযস্স পঠমে রুচ্চতীতি কাযসক্খিআদীসু পুগ্গলেসু অতিৰিয সুন্দরতরপণীততরভাৰেন তে চিত্তস্স অভিরুচিউপ্পাদকো কতমোতি পুচ্ছতি। সদ্ধিন্দ্রিযং ধুরং অহোসি সদ্ধাধুরং মগ্গৰুট্ঠানন্তি কত্ৰা, সেসিন্দ্রিযানি পন কথন্তি আহ ‘‘সেসানী’’তিআদি। পটিৰিদ্ধমগ্গোৰাতি তীহিপি থেরেহি অত্তনো অত্তনো পটিৰিদ্ধঅরহত্তমগ্গো এৰ কথিতো, তস্মা ন সুকরং একংসেন ব্যাকাতুং ‘‘অযং…পে॰… পণীততরো চা’’তি। ভুম্মন্তরেনেৰ কথেসি ‘‘তীসুপি পুগ্গলেসু অগ্গমগ্গট্ঠোৰ পণীততরো’’তি।
21. Tatiyassa paṭhame ruccatīti kāyasakkhiādīsu puggalesu ativiya sundaratarapaṇītatarabhāvena te cittassa abhiruciuppādako katamoti pucchati. Saddhindriyaṃ dhuraṃ ahosi saddhādhuraṃ maggavuṭṭhānanti katvā, sesindriyāni pana kathanti āha ‘‘sesānī’’tiādi. Paṭividdhamaggovāti tīhipi therehi attano attano paṭividdhaarahattamaggo eva kathito, tasmā na sukaraṃ ekaṃsena byākātuṃ ‘‘ayaṃ…pe… paṇītataro cā’’ti. Bhummantareneva kathesi ‘‘tīsupi puggalesu aggamaggaṭṭhova paṇītataro’’ti.
সমিদ্ধসুত্তৰণ্ণনা নিট্ঠিতা।
Samiddhasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১. সমিদ্ধসুত্তং • 1. Samiddhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. সমিদ্ধসুত্তৰণ্ণনা • 1. Samiddhasuttavaṇṇanā
