| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
॥ ਨਮੋ ਤਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ॥
Namo tassa bhagavato arahato sammāsambuddhassa
ਅਙ੍ਗੁਤ੍ਤਰਨਿਕਾਯੇ
Aṅguttaranikāye
ਨવਕਨਿਪਾਤ-ਅਟ੍ਠਕਥਾ
Navakanipāta-aṭṭhakathā
੧. ਪਠਮਪਣ੍ਣਾਸਕਂ
1. Paṭhamapaṇṇāsakaṃ
੧. ਸਮ੍ਬੋਧਿવਗ੍ਗੋ
1. Sambodhivaggo
੧. ਸਮ੍ਬੋਧਿਸੁਤ੍ਤવਣ੍ਣਨਾ
1. Sambodhisuttavaṇṇanā
੧. ਨવਕਨਿਪਾਤਸ੍ਸ ਪਠਮੇ ਸਮ੍ਬੋਧਿਪਕ੍ਖਿਕਾਨਨ੍ਤਿ ਚਤੁਮਗ੍ਗਸਙ੍ਖਾਤਸ੍ਸ ਸਮ੍ਬੋਧਿਸ੍ਸ ਪਕ੍ਖੇ ਭવਾਨਂ, ਉਪਕਾਰਕਾਨਨ੍ਤਿ ਅਤ੍ਥੋ। ਪਾਲ਼ਿਯਂ ਆਗਤੇ ਨવ ਧਮ੍ਮੇ ਸਨ੍ਧਾਯੇવਂ ਪੁਚ੍ਛਤਿ। ਕਾ ਉਪਨਿਸਾਤਿ ਕੋ ਉਪਨਿਸ੍ਸਯਪਚ੍ਚਯੋ। ਅਭਿਸਲ੍ਲੇਖਨ੍ਤੀਤਿ ਅਭਿਸਲ੍ਲੇਖਿਕਾ। ਸਮਥવਿਪਸ੍ਸਨਾਚਿਤ੍ਤਸ੍ਸ વਿવਰਣੇ ਸਪ੍ਪਾਯਾ ਉਪਕਾਰਕਾਤਿ ਚੇਤੋવਿવਰਣਸਪ੍ਪਾਯਾ। ਅਪ੍ਪਿਚ੍ਛਤਂ ਆਰਬ੍ਭ ਪવਤ੍ਤਾ ਕਥਾ ਅਪ੍ਪਿਚ੍ਛਕਥਾ। ਸੇਸੇਸੁਪਿ ਏਸੇવ ਨਯੋ।
1. Navakanipātassa paṭhame sambodhipakkhikānanti catumaggasaṅkhātassa sambodhissa pakkhe bhavānaṃ, upakārakānanti attho. Pāḷiyaṃ āgate nava dhamme sandhāyevaṃ pucchati. Kā upanisāti ko upanissayapaccayo. Abhisallekhantīti abhisallekhikā. Samathavipassanācittassa vivaraṇe sappāyā upakārakāti cetovivaraṇasappāyā. Appicchataṃ ārabbha pavattā kathā appicchakathā. Sesesupi eseva nayo.
ਅਸੁਭਾ ਭਾવੇਤਬ੍ਬਾ ਰਾਗਸ੍ਸ ਪਹਾਨਾਯਾਤਿ ਅਯਮਤ੍ਥੋ ਸਾਲਿਲਾਯਕੋਪਮਾਯ વਿਭਾવੇਤਬ੍ਬੋ – ਏਕੋ ਹਿ ਪੁਰਿਸੋ ਅਸਿਤਂ ਗਹੇਤ੍વਾ ਕੋਟਿਤੋ ਪਟ੍ਠਾਯ ਸਾਲਿਕ੍ਖੇਤ੍ਤੇ ਸਾਲਿਯੋ ਲਾਯਤਿ। ਅਥਸ੍ਸ વਤਿਂ ਭਿਨ੍ਦਿਤ੍વਾ ਗਾવੋ ਪવਿਸਿਂਸੁ। ਸੋ ਅਸਿਤਂ ਠਪੇਤ੍વਾ ਯਟ੍ਠਿਂ ਆਦਾਯ ਤੇਨੇવ ਮਗ੍ਗੇਨ ਗਾવੋ ਨੀਹਰਿਤ੍વਾ વਤਿਂ ਪਾਕਤਿਕਂ ਕਤ੍વਾ ਪੁਨਪਿ ਅਸਿਤਂ ਆਦਾਯ ਸਾਲਿਯੋ ਲਾਯਿ। ਏਤ੍ਥ ਸਾਲਿਕ੍ਖੇਤ੍ਤਂ વਿਯ ਬੁਦ੍ਧਸਾਸਨਂ ਦਟ੍ਠਬ੍ਬਂ, ਸਾਲਿਲਾਯਕੋ વਿਯ ਯੋਗਾવਚਰੋ, ਅਸਿਤਂ વਿਯ ਪਞ੍ਞਾ, ਲਾਯਨਕਾਲੋ વਿਯ વਿਪਸ੍ਸਨਾਯ ਕਮ੍ਮਕਰਣਕਾਲੋ, ਯਟ੍ਠਿ વਿਯ ਅਸੁਭਕਮ੍ਮਟ੍ਠਾਨਂ, વਤਿ વਿਯ ਸਂવਰੋ, વਤਿਂ ਭਿਨ੍ਦਿਤ੍વਾ ਗਾવੀਨਂ ਪવਿਸਨਂ વਿਯ ਸਹਸਾ ਅਪ੍ਪਟਿਸਙ੍ਖਾਯ ਪਮਾਦਂ ਆਰਬ੍ਭ ਰਾਗਸ੍ਸ ਉਪ੍ਪਜ੍ਜਨਂ, ਅਸਿਤਂ ਠਪੇਤ੍વਾ ਯਟ੍ਠਿਂ ਆਦਾਯ ਪવਿਟ੍ਠਮਗ੍ਗੇਨੇવ ਗਾવੋ ਨੀਹਰਿਤ੍વਾ વਤਿਂ ਪਟਿਪਾਕਤਿਕਂ ਕਤ੍વਾ ਪੁਨ ਕੋਟਿਤੋ ਪਟ੍ਠਾਯ ਸਾਲਿਲਾਯਨਂ વਿਯ ਅਸੁਭਕਮ੍ਮਟ੍ਠਾਨੇਨ ਰਾਗਂ વਿਕ੍ਖਮ੍ਭੇਤ੍વਾ ਪੁਨ વਿਪਸ੍ਸਨਾਯ ਕਮ੍ਮਂ ਆਰਭਨਕਾਲੋ। ਇਮਮਤ੍ਥਂ ਸਨ੍ਧਾਯ વੁਤ੍ਤਂ – ‘‘ਅਸੁਭਾ ਭਾવੇਤਬ੍ਬਾ ਰਾਗਸ੍ਸ ਪਹਾਨਾਯਾ’’ਤਿ।
Asubhābhāvetabbā rāgassa pahānāyāti ayamattho sālilāyakopamāya vibhāvetabbo – eko hi puriso asitaṃ gahetvā koṭito paṭṭhāya sālikkhette sāliyo lāyati. Athassa vatiṃ bhinditvā gāvo pavisiṃsu. So asitaṃ ṭhapetvā yaṭṭhiṃ ādāya teneva maggena gāvo nīharitvā vatiṃ pākatikaṃ katvā punapi asitaṃ ādāya sāliyo lāyi. Ettha sālikkhettaṃ viya buddhasāsanaṃ daṭṭhabbaṃ, sālilāyako viya yogāvacaro, asitaṃ viya paññā, lāyanakālo viya vipassanāya kammakaraṇakālo, yaṭṭhi viya asubhakammaṭṭhānaṃ, vati viya saṃvaro, vatiṃ bhinditvā gāvīnaṃ pavisanaṃ viya sahasā appaṭisaṅkhāya pamādaṃ ārabbha rāgassa uppajjanaṃ, asitaṃ ṭhapetvā yaṭṭhiṃ ādāya paviṭṭhamaggeneva gāvo nīharitvā vatiṃ paṭipākatikaṃ katvā puna koṭito paṭṭhāya sālilāyanaṃ viya asubhakammaṭṭhānena rāgaṃ vikkhambhetvā puna vipassanāya kammaṃ ārabhanakālo. Imamatthaṃ sandhāya vuttaṃ – ‘‘asubhā bhāvetabbā rāgassa pahānāyā’’ti.
ਤਤ੍ਥ ਰਾਗਸ੍ਸਾਤਿ ਪਞ੍ਚਕਾਮਗੁਣਿਕਰਾਗਸ੍ਸ। ਮੇਤ੍ਤਾਤਿ ਮੇਤ੍ਤਾਕਮ੍ਮਟ੍ਠਾਨਂ। ਬ੍ਯਾਪਾਦਸ੍ਸ ਪਹਾਨਾਯਾਤਿ વੁਤ੍ਤਨਯੇਨੇવ ਉਪ੍ਪਨ੍ਨਸ੍ਸ ਕੋਪਸ੍ਸ ਪਜਹਨਤ੍ਥਾਯ। ਆਨਾਪਾਨਸ੍ਸਤੀਤਿ ਸੋਲ਼ਸવਤ੍ਥੁਕਾ ਆਨਾਪਾਨਸ੍ਸਤਿ। વਿਤਕ੍ਕੁਪਚ੍ਛੇਦਾਯਾਤਿ વੁਤ੍ਤਨਯੇਨੇવ ਉਪ੍ਪਨ੍ਨਾਨਂ વਿਤਕ੍ਕਾਨਂ ਉਪਚ੍ਛੇਦਨਤ੍ਥਾਯ। ਅਸ੍ਮਿਮਾਨਸਮੁਗ੍ਘਾਤਾਯਾਤਿ ਅਸ੍ਮੀਤਿ ਉਪ੍ਪਜ੍ਜਨਕਸ੍ਸ ਮਾਨਸ੍ਸ ਸਮੁਗ੍ਘਾਤਤ੍ਥਾਯ। ਅਨਤ੍ਤਸਞ੍ਞਾ ਸਣ੍ਠਾਤੀਤਿ ਅਨਿਚ੍ਚਲਕ੍ਖਣੇ ਦਿਟ੍ਠੇ ਅਨਤ੍ਤਲਕ੍ਖਣਂ ਦਿਟ੍ਠਮੇવ ਹੋਤਿ। ਏਤੇਸੁ ਹਿ ਤੀਸੁ ਲਕ੍ਖਣੇਸੁ ਏਕਸ੍ਮਿਂ ਦਿਟ੍ਠੇ ਇਤਰਦ੍વਯਂ ਦਿਟ੍ਠਮੇવ ਹੋਤਿ। ਤੇਨ વੁਤ੍ਤਂ – ‘‘ਅਨਿਚ੍ਚਸਞ੍ਞਿਨੋ, ਭਿਕ੍ਖવੇ, ਅਨਤ੍ਤਸਞ੍ਞਾ ਸਣ੍ਠਾਤੀ’’ਤਿ। ਦਿਟ੍ਠੇવ ਧਮ੍ਮੇ ਨਿਬ੍ਬਾਨਨ੍ਤਿ ਦਿਟ੍ਠੇਯੇવ ਧਮ੍ਮੇ ਅਪਚ੍ਚਯਪਰਿਨਿਬ੍ਬਾਨਞ੍ਚ ਪਾਪੁਣਾਤੀਤਿ ਇਮਸ੍ਮਿਂ ਸੁਤ੍ਤੇ વਟ੍ਟવਿવਟ੍ਟਂ ਕਥਿਤਂ।
Tattha rāgassāti pañcakāmaguṇikarāgassa. Mettāti mettākammaṭṭhānaṃ. Byāpādassa pahānāyāti vuttanayeneva uppannassa kopassa pajahanatthāya. Ānāpānassatīti soḷasavatthukā ānāpānassati. Vitakkupacchedāyāti vuttanayeneva uppannānaṃ vitakkānaṃ upacchedanatthāya. Asmimānasamugghātāyāti asmīti uppajjanakassa mānassa samugghātatthāya. Anattasaññā saṇṭhātīti aniccalakkhaṇe diṭṭhe anattalakkhaṇaṃ diṭṭhameva hoti. Etesu hi tīsu lakkhaṇesu ekasmiṃ diṭṭhe itaradvayaṃ diṭṭhameva hoti. Tena vuttaṃ – ‘‘aniccasaññino, bhikkhave, anattasaññā saṇṭhātī’’ti. Diṭṭheva dhamme nibbānanti diṭṭheyeva dhamme apaccayaparinibbānañca pāpuṇātīti imasmiṃ sutte vaṭṭavivaṭṭaṃ kathitaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸਮ੍ਬੋਧਿਸੁਤ੍ਤਂ • 1. Sambodhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੨. ਸਮ੍ਬੋਧਿਸੁਤ੍ਤਾਦਿવਣ੍ਣਨਾ • 1-2. Sambodhisuttādivaṇṇanā
