| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೩. ಸಮ್ಬರಿಮಾಯಾಸುತ್ತವಣ್ಣನಾ
3. Sambarimāyāsuttavaṇṇanā
೨೬೯. ಆಬಾಧಿಕೋತಿ ಆಬಾಧೋ ಅಸ್ಸ ಅತ್ಥೀತಿ ಆಬಾಧಿಕೋ। ವಾಚೇಸೀತಿ ಸಿಕ್ಖಾಪೇಸಿ। ಸಮ್ಬರೋ ನಾಮ ಅಸುರಮಾಯಾಯ ಆದಿಪುರಿಸೋ ಪುರಾತನೋ ಅಸುರಿನ್ದೋ। ತಂ ಸನ್ಧಾಯಾಹ ‘‘ಯಥಾ ಸಮ್ಬರೋ’’ತಿಆದಿ। ಏವಂ ಪಚ್ಚತಿ ಅಞ್ಞೋಪಿ ಮಾಯಾವೀ ಮಾಯಂ ಪಯೋಜೇತ್ವಾ। ಉಪವಾದನ್ತರಾಯೋ ನಾಮ ಖಮಾಪನೇ ಸತಿ ವಿಗಚ್ಛತಿ, ಪಾಕತಿಕಮೇವ ಹೋತೀತಿ ಆಹ ‘‘ಏವಮಸ್ಸ ಫಾಸು ಭವೇಯ್ಯಾ’’ತಿ। ತೇನಾತಿ ವೇಪಚಿತ್ತಿನಾ ಸಮ್ಬರವಿಜ್ಜಾಯ ಅದಾನೇನ ವಞ್ಚಿತತ್ತಾ। ತಥಾ ಅಕತ್ವಾತಿ ಇಸೀನಂ ಸನ್ತಿಕಂ ನೇತ್ವಾ ಖಮಾಪನವಸೇನ ಕಾತಬ್ಬಂ ಅಕತ್ವಾ।
269.Ābādhikoti ābādho assa atthīti ābādhiko. Vācesīti sikkhāpesi. Sambaro nāma asuramāyāya ādipuriso purātano asurindo. Taṃ sandhāyāha ‘‘yathā sambaro’’tiādi. Evaṃ paccati aññopi māyāvī māyaṃ payojetvā. Upavādantarāyo nāma khamāpane sati vigacchati, pākatikameva hotīti āha ‘‘evamassa phāsubhaveyyā’’ti. Tenāti vepacittinā sambaravijjāya adānena vañcitattā. Tathā akatvāti isīnaṃ santikaṃ netvā khamāpanavasena kātabbaṃ akatvā.
ಸಮ್ಬರಿಮಾಯಾಸುತ್ತವಣ್ಣನಾ ನಿಟ್ಠಿತಾ।
Sambarimāyāsuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೩. ಸಮ್ಬರಿಮಾಯಾಸುತ್ತಂ • 3. Sambarimāyāsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೩. ಸಮ್ಬರಿಮಾಯಾಸುತ್ತವಣ್ಣನಾ • 3. Sambarimāyāsuttavaṇṇanā
