| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. သမ္ဗရိမာယာသုတ္တဝဏ္ဏနာ
3. Sambarimāyāsuttavaṇṇanā
၂၆၉. အာဗာဓိကောတိ အာဗာဓော အသ္သ အတ္ထီတိ အာဗာဓိကော။ ဝာစေသီတိ သိက္ခာပေသိ။ သမ္ဗရော နာမ အသုရမာယာယ အာဒိပုရိသော ပုရာတနော အသုရိန္ဒော။ တံ သန္ဓာယာဟ ‘‘ယထာ သမ္ဗရော’’တိအာဒိ။ ဧဝံ ပစ္စတိ အညောပိ မာယာဝီ မာယံ ပယောဇေတ္ဝာ။ ဥပဝာဒန္တရာယော နာမ ခမာပနေ သတိ ဝိဂစ္ဆတိ, ပာကတိကမေဝ ဟောတီတိ အာဟ ‘‘ဧဝမသ္သ ဖာသု ဘဝေယ္ယာ’’တိ။ တေနာတိ ဝေပစိတ္တိနာ သမ္ဗရဝိဇ္ဇာယ အဒာနေန ဝဉ္စိတတ္တာ။ တထာ အကတ္ဝာတိ ဣသီနံ သန္တိကံ နေတ္ဝာ ခမာပနဝသေန ကာတဗ္ဗံ အကတ္ဝာ။
269.Ābādhikoti ābādho assa atthīti ābādhiko. Vācesīti sikkhāpesi. Sambaro nāma asuramāyāya ādipuriso purātano asurindo. Taṃ sandhāyāha ‘‘yathā sambaro’’tiādi. Evaṃ paccati aññopi māyāvī māyaṃ payojetvā. Upavādantarāyo nāma khamāpane sati vigacchati, pākatikameva hotīti āha ‘‘evamassa phāsubhaveyyā’’ti. Tenāti vepacittinā sambaravijjāya adānena vañcitattā. Tathā akatvāti isīnaṃ santikaṃ netvā khamāpanavasena kātabbaṃ akatvā.
သမ္ဗရိမာယာသုတ္တဝဏ္ဏနာ နိဋ္ဌိတာ။
Sambarimāyāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. သမ္ဗရိမာယာသုတ္တံ • 3. Sambarimāyāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. သမ္ဗရိမာယာသုတ္တဝဏ္ဏနာ • 3. Sambarimāyāsuttavaṇṇanā
