| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౩. సమ్బరిమాయాసుత్తవణ్ణనా
3. Sambarimāyāsuttavaṇṇanā
౨౬౯. ఆబాధికోతి ఆబాధో అస్స అత్థీతి ఆబాధికో. వాచేసీతి సిక్ఖాపేసి. సమ్బరో నామ అసురమాయాయ ఆదిపురిసో పురాతనో అసురిన్దో. తం సన్ధాయాహ ‘‘యథా సమ్బరో’’తిఆది. ఏవం పచ్చతి అఞ్ఞోపి మాయావీ మాయం పయోజేత్వా. ఉపవాదన్తరాయో నామ ఖమాపనే సతి విగచ్ఛతి, పాకతికమేవ హోతీతి ఆహ ‘‘ఏవమస్స ఫాసు భవేయ్యా’’తి. తేనాతి వేపచిత్తినా సమ్బరవిజ్జాయ అదానేన వఞ్చితత్తా. తథా అకత్వాతి ఇసీనం సన్తికం నేత్వా ఖమాపనవసేన కాతబ్బం అకత్వా.
269.Ābādhikoti ābādho assa atthīti ābādhiko. Vācesīti sikkhāpesi. Sambaro nāma asuramāyāya ādipuriso purātano asurindo. Taṃ sandhāyāha ‘‘yathā sambaro’’tiādi. Evaṃ paccati aññopi māyāvī māyaṃ payojetvā. Upavādantarāyo nāma khamāpane sati vigacchati, pākatikameva hotīti āha ‘‘evamassa phāsubhaveyyā’’ti. Tenāti vepacittinā sambaravijjāya adānena vañcitattā. Tathā akatvāti isīnaṃ santikaṃ netvā khamāpanavasena kātabbaṃ akatvā.
సమ్బరిమాయాసుత్తవణ్ణనా నిట్ఠితా.
Sambarimāyāsuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. సమ్బరిమాయాసుత్తం • 3. Sambarimāyāsuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౩. సమ్బరిమాయాసుత్తవణ్ణనా • 3. Sambarimāyāsuttavaṇṇanā
