| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൪. സമ്ബഹുലസുത്തവണ്ണനാ
4. Sambahulasuttavaṇṇanā
൨൨൪. സമ്ബഹുലാതി സുത്തന്തനയേന സമ്ബഹുലാ. സുത്തന്തേ സജ്ഝായിംസൂതി സുത്തന്തികാ. വിനയം ധാരേന്തീതി വിനയധരാ. യുഞ്ജന്തീതി വാസധുരേ യോഗം കരോന്തി. ഘടേന്തീതി തത്ഥ വായാമം കരോന്തി. കരോന്താനംയേവ അരുണോ ഉഗ്ഗച്ഛതീതി സമ്ബന്ധോ.
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
കോമേതി കിം ഇമേ? തേനാഹ ‘‘കഹം ഇമേ’’തി? വജ്ജിഭൂമിം വജ്ജിരട്ഠം ഗതാതി വജ്ജിഭൂമിയാ. തേനാഹ ‘‘വജ്ജിരട്ഠാഭിമുഖാ ഗതാ’’തി. നത്ഥി ഏതേസം നികേഭം നിബദ്ധനിവാസട്ഠാനന്തി അനികേതാ തേനാഹ ‘‘അഗേഹാ’’തി. ഉതു ഏവ സപ്പായം, ഉതുവസേന വാ കായചിത്താനം കല്ലത്താ സപ്പായം. ഏസ നയോ സേസേസുപി.
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
സമ്ബഹുലസുത്തവണ്ണനാ നിട്ഠിതാ.
Sambahulasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൪. സമ്ബഹുലസുത്തം • 4. Sambahulasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൪. സമ്ബഹുലസുത്തവണ്ണനാ • 4. Sambahulasuttavaṇṇanā
