| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၄. သမ္ဗဟုလသုတ္တဝဏ္ဏနာ
4. Sambahulasuttavaṇṇanā
၂၂၄. သမ္ဗဟုလာတိ သုတ္တန္တနယေန သမ္ဗဟုလာ။ သုတ္တန္တေ သဇ္ဈာယိံသူတိ သုတ္တန္တိကာ။ ဝိနယံ ဓာရေန္တီတိ ဝိနယဓရာ။ ယုဉ္ဇန္တီတိ ဝာသဓုရေ ယောဂံ ကရောန္တိ။ ဃဋေန္တီတိ တတ္ထ ဝာယာမံ ကရောန္တိ။ ကရောန္တာနံယေဝ အရုဏော ဥဂ္ဂစ္ဆတီတိ သမ္ဗန္ဓော။
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
ကောမေတိ ကိံ ဣမေ? တေနာဟ ‘‘ကဟံ ဣမေ’’တိ? ဝဇ္ဇိဘူမိံ ဝဇ္ဇိရဋ္ဌံ ဂတာတိ ဝဇ္ဇိဘူမိယာ။ တေနာဟ ‘‘ဝဇ္ဇိရဋ္ဌာဘိမုခာ ဂတာ’’တိ။ နတ္ထိ ဧတေသံ နိကေဘံ နိဗဒ္ဓနိဝာသဋ္ဌာနန္တိ အနိကေတာ တေနာဟ ‘‘အဂေဟာ’’တိ။ ဥတု ဧဝ သပ္ပာယံ, ဥတုဝသေန ဝာ ကာယစိတ္တာနံ ကလ္လတ္တာ သပ္ပာယံ။ ဧသ နယော သေသေသုပိ။
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
သမ္ဗဟုလသုတ္တဝဏ္ဏနာ နိဋ္ဌိတာ။
Sambahulasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၄. သမ္ဗဟုလသုတ္တံ • 4. Sambahulasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၄. သမ္ဗဟုလသုတ္တဝဏ္ဏနာ • 4. Sambahulasuttavaṇṇanā
