| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៤. សម្ពហុលសុត្តវណ្ណនា
4. Sambahulasuttavaṇṇanā
២២៤. សម្ពហុលាតិ សុត្តន្តនយេន សម្ពហុលា។ សុត្តន្តេ សជ្ឈាយិំសូតិ សុត្តន្តិកា។ វិនយំ ធារេន្តីតិ វិនយធរា។ យុញ្ជន្តីតិ វាសធុរេ យោគំ ករោន្តិ។ ឃដេន្តីតិ តត្ថ វាយាមំ ករោន្តិ។ ករោន្តានំយេវ អរុណោ ឧគ្គច្ឆតីតិ សម្ពន្ធោ។
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
កោមេតិ កិំ ឥមេ? តេនាហ ‘‘កហំ ឥមេ’’តិ? វជ្ជិភូមិំ វជ្ជិរដ្ឋំ គតាតិ វជ្ជិភូមិយា។ តេនាហ ‘‘វជ្ជិរដ្ឋាភិមុខា គតា’’តិ។ នត្ថិ ឯតេសំ និកេភំ និពទ្ធនិវាសដ្ឋានន្តិ អនិកេតា តេនាហ ‘‘អគេហា’’តិ។ ឧតុ ឯវ សប្បាយំ, ឧតុវសេន វា កាយចិត្តានំ កល្លត្តា សប្បាយំ។ ឯស នយោ សេសេសុបិ។
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
សម្ពហុលសុត្តវណ្ណនា និដ្ឋិតា។
Sambahulasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៤. សម្ពហុលសុត្តំ • 4. Sambahulasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៤. សម្ពហុលសុត្តវណ្ណនា • 4. Sambahulasuttavaṇṇanā
