| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. સમ્બહુલસુત્તવણ્ણના
4. Sambahulasuttavaṇṇanā
૨૨૪. સમ્બહુલાતિ સુત્તન્તનયેન સમ્બહુલા. સુત્તન્તે સજ્ઝાયિંસૂતિ સુત્તન્તિકા. વિનયં ધારેન્તીતિ વિનયધરા. યુઞ્જન્તીતિ વાસધુરે યોગં કરોન્તિ. ઘટેન્તીતિ તત્થ વાયામં કરોન્તિ. કરોન્તાનંયેવ અરુણો ઉગ્ગચ્છતીતિ સમ્બન્ધો.
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
કોમેતિ કિં ઇમે? તેનાહ ‘‘કહં ઇમે’’તિ? વજ્જિભૂમિં વજ્જિરટ્ઠં ગતાતિ વજ્જિભૂમિયા. તેનાહ ‘‘વજ્જિરટ્ઠાભિમુખા ગતા’’તિ. નત્થિ એતેસં નિકેભં નિબદ્ધનિવાસટ્ઠાનન્તિ અનિકેતા તેનાહ ‘‘અગેહા’’તિ. ઉતુ એવ સપ્પાયં, ઉતુવસેન વા કાયચિત્તાનં કલ્લત્તા સપ્પાયં. એસ નયો સેસેસુપિ.
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
સમ્બહુલસુત્તવણ્ણના નિટ્ઠિતા.
Sambahulasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. સમ્બહુલસુત્તં • 4. Sambahulasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. સમ્બહુલસુત્તવણ્ણના • 4. Sambahulasuttavaṇṇanā
