| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
४. सम्बहुलसुत्तवण्णना
4. Sambahulasuttavaṇṇanā
२२४. सम्बहुलाति सुत्तन्तनयेन सम्बहुला। सुत्तन्ते सज्झायिंसूति सुत्तन्तिका। विनयं धारेन्तीति विनयधरा। युञ्जन्तीति वासधुरे योगं करोन्ति। घटेन्तीति तत्थ वायामं करोन्ति। करोन्तानंयेव अरुणो उग्गच्छतीति सम्बन्धो।
224.Sambahulāti suttantanayena sambahulā. Suttante sajjhāyiṃsūti suttantikā. Vinayaṃ dhārentīti vinayadharā. Yuñjantīti vāsadhure yogaṃ karonti. Ghaṭentīti tattha vāyāmaṃ karonti. Karontānaṃyeva aruṇo uggacchatīti sambandho.
कोमेति किं इमे? तेनाह ‘‘कहं इमे’’ति? वज्जिभूमिं वज्जिरट्ठं गताति वज्जिभूमिया। तेनाह ‘‘वज्जिरट्ठाभिमुखा गता’’ति। नत्थि एतेसं निकेभं निबद्धनिवासट्ठानन्ति अनिकेता तेनाह ‘‘अगेहा’’ति। उतु एव सप्पायं, उतुवसेन वा कायचित्तानं कल्लत्ता सप्पायं। एस नयो सेसेसुपि।
Kometi kiṃ ime? Tenāha ‘‘kahaṃ ime’’ti? Vajjibhūmiṃ vajjiraṭṭhaṃ gatāti vajjibhūmiyā. Tenāha ‘‘vajjiraṭṭhābhimukhā gatā’’ti. Natthi etesaṃ nikebhaṃ nibaddhanivāsaṭṭhānanti aniketā tenāha ‘‘agehā’’ti. Utu eva sappāyaṃ, utuvasena vā kāyacittānaṃ kallattā sappāyaṃ. Esa nayo sesesupi.
सम्बहुलसुत्तवण्णना निट्ठिता।
Sambahulasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / ४. सम्बहुलसुत्तं • 4. Sambahulasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ४. सम्बहुलसुत्तवण्णना • 4. Sambahulasuttavaṇṇanā
