| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
ਸਮਥਸਮ੍ਮੁਖਾવਿਨਯવਾਰਾਦਿવਣ੍ਣਨਾ
Samathasammukhāvinayavārādivaṇṇanā
੩੦੧-੩. ਏਕਾਦਸਮવਾਰੇਪਿ ਸਮ੍ਮੁਖਾવਿਨਯੋਤਿਆਦਿ ਪੁਚ੍ਛਾ। ਯੇਭੁਯ੍ਯਸਿਕਾ ਸਤਿવਿਨਯੋਤਿਆਦਿ વਿਸਜ੍ਜਨਂ। ਏવਂ વਿਨਯવਾਰੇ ਕੁਸਲ-વਾਰੇ ਤਤੋ ਪਰੇਸੁਪਿ ਪੁਚ੍ਛਾવਿਸਜ੍ਜਨਪਰਿਚ੍ਛੇਦੋ વੇਦਿਤਬ੍ਬੋ।
301-3. Ekādasamavārepi sammukhāvinayotiādi pucchā. Yebhuyyasikā sativinayotiādi visajjanaṃ. Evaṃ vinayavāre kusala-vāre tato paresupi pucchāvisajjanaparicchedo veditabbo.
ਤਤ੍ਥ ਸਮ੍ਮੁਖਾવਿਨਯੋ ਸਿਯਾ ਕੁਸਲੋਤਿਆਦੀਸੁ ਤਸ੍ਮਿਂ ਤਸ੍ਮਿਂ વਿਨਯਕਮ੍ਮੇ, વਿવਾਦਾਦਿਮ੍ਹਿ ਚ ਨਿਯੁਤ੍ਤਪੁਗ੍ਗਲਾਨਂ ਸਮੁਪ੍ਪਜ੍ਜਨਕਕੁਸਲਾਦੀਨਂ વਸੇਨ ਸਮ੍ਮੁਖਾવਿਨਯਾਦੀਨਂ, વਿવਾਦਾਦੀਨਞ੍ਚ ਕੁਸਲਾਦਿਭਾવੋ ਤੇਨ ਤੇਨ ਉਪਚਾਰੇਨ વੁਤ੍ਤੋ। ਯਸ੍ਮਾ ਪਨੇਤਸ੍ਸ ਸਮ੍ਮੁਖਾવਿਨਯੋ ਨਾਮ ਸਙ੍ਘਸਮ੍ਮੁਖਤਾਦਯੋ ਹੋਨ੍ਤਿ, ਤੇਸਞ੍ਚ ਅਨવਜ੍ਜਸਭਾવਤ੍ਤਾ ਅਕੁਸਲੇ વਿਜ੍ਜਮਾਨੇਪਿ ਅਕੁਸਲਤ੍ਤੂਪਚਾਰੋ ਨ ਯੁਤ੍ਤੋ ਆਪਤ੍ਤਾਧਿਕਰਣਸ੍ਸ ਅਕੁਸਲਤ੍ਤੂਪਚਾਰੋ વਿਯ, ਤਸ੍ਮਾ ਨਤ੍ਥਿ ਸਮ੍ਮੁਖਾવਿਨਯੋ ਅਕੁਸਲੋਤਿ ਅਤ੍ਥੋ।
Tattha sammukhāvinayo siyā kusalotiādīsu tasmiṃ tasmiṃ vinayakamme, vivādādimhi ca niyuttapuggalānaṃ samuppajjanakakusalādīnaṃ vasena sammukhāvinayādīnaṃ, vivādādīnañca kusalādibhāvo tena tena upacārena vutto. Yasmā panetassa sammukhāvinayo nāma saṅghasammukhatādayo honti, tesañca anavajjasabhāvattā akusale vijjamānepi akusalattūpacāro na yutto āpattādhikaraṇassa akusalattūpacāro viya, tasmā natthi sammukhāvinayo akusaloti attho.
੩੦੪. ਤਤੋ ਪਰੇਸੁ ਯਤ੍ਥ ਯੇਭੁਯ੍ਯਸਿਕਾ ਲਬ੍ਭਤਿ, ਤਤ੍ਥ ਸਮ੍ਮੁਖਾવਿਨਯੋ ਲਬ੍ਭਤੀਤਿਆਦਿ ਸਮ੍ਮੁਖਾવਿਨਯਸ੍ਸ ਇਤਰੇਹਿ ਸਮਥੇਹਿ ਨਿਯਮੇਨ ਸਂਸਟ੍ਠਤਂ, ਇਤਰੇਸਂ ਪਨ ਛਨ੍ਨਂ ਅਞ੍ਞਮਞ੍ਞਂ ਸਂਸਗ੍ਗਾਭਾવਞ੍ਚ ਦਸ੍ਸੇਤੁਂ વੁਤ੍ਤਂ।
304. Tato paresu yattha yebhuyyasikā labbhati, tattha sammukhāvinayo labbhatītiādi sammukhāvinayassa itarehi samathehi niyamena saṃsaṭṭhataṃ, itaresaṃ pana channaṃ aññamaññaṃ saṃsaggābhāvañca dassetuṃ vuttaṃ.
ਸਮਥਸਮ੍ਮੁਖਾવਿਨਯવਾਰਾਦਿવਣ੍ਣਨਾ ਨਿਟ੍ਠਿਤਾ।
Samathasammukhāvinayavārādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਪਰਿવਾਰਪਾਲ਼ਿ • Parivārapāḷi
੧੧. ਸਮਥਸਮ੍ਮੁਖਾવਿਨਯવਾਰੋ • 11. Samathasammukhāvinayavāro
੧੨. વਿਨਯવਾਰੋ • 12. Vinayavāro
੧੩. ਕੁਸਲવਾਰੋ • 13. Kusalavāro
੧੪. ਯਤ੍ਥવਾਰੋ, ਪੁਚ੍ਛਾવਾਰੋ • 14. Yatthavāro, pucchāvāro
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā
વਿਨਯવਾਰਕਥਾવਣ੍ਣਨਾ • Vinayavārakathāvaṇṇanā
ਕੁਸਲવਾਰਕਥਾવਣ੍ਣਨਾ • Kusalavārakathāvaṇṇanā
ਸਮਥવਾਰવਿਸ੍ਸਜ੍ਜਨਾવਾਰਕਥਾવਣ੍ਣਨਾ • Samathavāravissajjanāvārakathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā
ਅਧਿਕਰਣਪਰਿਯਾਯવਾਰਾਦਿવਣ੍ਣਨਾ • Adhikaraṇapariyāyavārādivaṇṇanā
ਯਤ੍ਥવਾਰਪੁਚ੍ਛਾવਾਰવਣ੍ਣਨਾ • Yatthavārapucchāvāravaṇṇanā
