| Library / Tipiṭaka / តិបិដក • Tipiṭaka / វិមតិវិនោទនី-ដីកា • Vimativinodanī-ṭīkā |
សមថសម្មុខាវិនយវារាទិវណ្ណនា
Samathasammukhāvinayavārādivaṇṇanā
៣០១-៣. ឯកាទសមវារេបិ សម្មុខាវិនយោតិអាទិ បុច្ឆា។ យេភុយ្យសិកា សតិវិនយោតិអាទិ វិសជ្ជនំ។ ឯវំ វិនយវារេ កុសល-វារេ តតោ បរេសុបិ បុច្ឆាវិសជ្ជនបរិច្ឆេទោ វេទិតព្ពោ។
301-3. Ekādasamavārepi sammukhāvinayotiādi pucchā. Yebhuyyasikā sativinayotiādi visajjanaṃ. Evaṃ vinayavāre kusala-vāre tato paresupi pucchāvisajjanaparicchedo veditabbo.
តត្ថ សម្មុខាវិនយោ សិយា កុសលោតិអាទីសុ តស្មិំ តស្មិំ វិនយកម្មេ, វិវាទាទិម្ហិ ច និយុត្តបុគ្គលានំ សមុប្បជ្ជនកកុសលាទីនំ វសេន សម្មុខាវិនយាទីនំ, វិវាទាទីនញ្ច កុសលាទិភាវោ តេន តេន ឧបចារេន វុត្តោ។ យស្មា បនេតស្ស សម្មុខាវិនយោ នាម សង្ឃសម្មុខតាទយោ ហោន្តិ, តេសញ្ច អនវជ្ជសភាវត្តា អកុសលេ វិជ្ជមានេបិ អកុសលត្តូបចារោ ន យុត្តោ អាបត្តាធិករណស្ស អកុសលត្តូបចារោ វិយ, តស្មា នត្ថិ សម្មុខាវិនយោ អកុសលោតិ អត្ថោ។
Tattha sammukhāvinayo siyā kusalotiādīsu tasmiṃ tasmiṃ vinayakamme, vivādādimhi ca niyuttapuggalānaṃ samuppajjanakakusalādīnaṃ vasena sammukhāvinayādīnaṃ, vivādādīnañca kusalādibhāvo tena tena upacārena vutto. Yasmā panetassa sammukhāvinayo nāma saṅghasammukhatādayo honti, tesañca anavajjasabhāvattā akusale vijjamānepi akusalattūpacāro na yutto āpattādhikaraṇassa akusalattūpacāro viya, tasmā natthi sammukhāvinayo akusaloti attho.
៣០៤. តតោ បរេសុ យត្ថ យេភុយ្យសិកា លព្ភតិ, តត្ថ សម្មុខាវិនយោ លព្ភតីតិអាទិ សម្មុខាវិនយស្ស ឥតរេហិ សមថេហិ និយមេន សំសដ្ឋតំ, ឥតរេសំ បន ឆន្នំ អញ្ញមញ្ញំ សំសគ្គាភាវញ្ច ទស្សេតុំ វុត្តំ។
304. Tato paresu yattha yebhuyyasikā labbhati, tattha sammukhāvinayo labbhatītiādi sammukhāvinayassa itarehi samathehi niyamena saṃsaṭṭhataṃ, itaresaṃ pana channaṃ aññamaññaṃ saṃsaggābhāvañca dassetuṃ vuttaṃ.
សមថសម្មុខាវិនយវារាទិវណ្ណនា និដ្ឋិតា។
Samathasammukhāvinayavārādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / វិនយបិដក • Vinayapiṭaka / បរិវារបាឡិ • Parivārapāḷi
១១. សមថសម្មុខាវិនយវារោ • 11. Samathasammukhāvinayavāro
១២. វិនយវារោ • 12. Vinayavāro
១៣. កុសលវារោ • 13. Kusalavāro
១៤. យត្ថវារោ, បុច្ឆាវារោ • 14. Yatthavāro, pucchāvāro
ដីកា • Tīkā / វិនយបិដក (ដីកា) • Vinayapiṭaka (ṭīkā) / សារត្ថទីបនី-ដីកា • Sāratthadīpanī-ṭīkā
វិនយវារកថាវណ្ណនា • Vinayavārakathāvaṇṇanā
កុសលវារកថាវណ្ណនា • Kusalavārakathāvaṇṇanā
សមថវារវិស្សជ្ជនាវារកថាវណ្ណនា • Samathavāravissajjanāvārakathāvaṇṇanā
ដីកា • Tīkā / វិនយបិដក (ដីកា) • Vinayapiṭaka (ṭīkā) / វជិរពុទ្ធិ-ដីកា • Vajirabuddhi-ṭīkā
អធិករណបរិយាយវារាទិវណ្ណនា • Adhikaraṇapariyāyavārādivaṇṇanā
យត្ថវារបុច្ឆាវារវណ្ណនា • Yatthavārapucchāvāravaṇṇanā
