| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
समथसम्मुखाविनयवारादिवण्णना
Samathasammukhāvinayavārādivaṇṇanā
३०१-३. एकादसमवारेपि सम्मुखाविनयोतिआदि पुच्छा। येभुय्यसिका सतिविनयोतिआदि विसज्जनं। एवं विनयवारे कुसल-वारे ततो परेसुपि पुच्छाविसज्जनपरिच्छेदो वेदितब्बो।
301-3. Ekādasamavārepi sammukhāvinayotiādi pucchā. Yebhuyyasikā sativinayotiādi visajjanaṃ. Evaṃ vinayavāre kusala-vāre tato paresupi pucchāvisajjanaparicchedo veditabbo.
तत्थ सम्मुखाविनयो सिया कुसलोतिआदीसु तस्मिं तस्मिं विनयकम्मे, विवादादिम्हि च नियुत्तपुग्गलानं समुप्पज्जनककुसलादीनं वसेन सम्मुखाविनयादीनं, विवादादीनञ्च कुसलादिभावो तेन तेन उपचारेन वुत्तो। यस्मा पनेतस्स सम्मुखाविनयो नाम सङ्घसम्मुखतादयो होन्ति, तेसञ्च अनवज्जसभावत्ता अकुसले विज्जमानेपि अकुसलत्तूपचारो न युत्तो आपत्ताधिकरणस्स अकुसलत्तूपचारो विय, तस्मा नत्थि सम्मुखाविनयो अकुसलोति अत्थो।
Tattha sammukhāvinayo siyā kusalotiādīsu tasmiṃ tasmiṃ vinayakamme, vivādādimhi ca niyuttapuggalānaṃ samuppajjanakakusalādīnaṃ vasena sammukhāvinayādīnaṃ, vivādādīnañca kusalādibhāvo tena tena upacārena vutto. Yasmā panetassa sammukhāvinayo nāma saṅghasammukhatādayo honti, tesañca anavajjasabhāvattā akusale vijjamānepi akusalattūpacāro na yutto āpattādhikaraṇassa akusalattūpacāro viya, tasmā natthi sammukhāvinayo akusaloti attho.
३०४. ततो परेसु यत्थ येभुय्यसिका लब्भति, तत्थ सम्मुखाविनयो लब्भतीतिआदि सम्मुखाविनयस्स इतरेहि समथेहि नियमेन संसट्ठतं, इतरेसं पन छन्नं अञ्ञमञ्ञं संसग्गाभावञ्च दस्सेतुं वुत्तं।
304. Tato paresu yattha yebhuyyasikā labbhati, tattha sammukhāvinayo labbhatītiādi sammukhāvinayassa itarehi samathehi niyamena saṃsaṭṭhataṃ, itaresaṃ pana channaṃ aññamaññaṃ saṃsaggābhāvañca dassetuṃ vuttaṃ.
समथसम्मुखाविनयवारादिवण्णना निट्ठिता।
Samathasammukhāvinayavārādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / परिवारपाळि • Parivārapāḷi
११. समथसम्मुखाविनयवारो • 11. Samathasammukhāvinayavāro
१२. विनयवारो • 12. Vinayavāro
१३. कुसलवारो • 13. Kusalavāro
१४. यत्थवारो, पुच्छावारो • 14. Yatthavāro, pucchāvāro
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
विनयवारकथावण्णना • Vinayavārakathāvaṇṇanā
कुसलवारकथावण्णना • Kusalavārakathāvaṇṇanā
समथवारविस्सज्जनावारकथावण्णना • Samathavāravissajjanāvārakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
अधिकरणपरियायवारादिवण्णना • Adhikaraṇapariyāyavārādivaṇṇanā
यत्थवारपुच्छावारवण्णना • Yatthavārapucchāvāravaṇṇanā
