| Library / Tipiṭaka / તિપિટક • Tipiṭaka / વિમતિવિનોદની-ટીકા • Vimativinodanī-ṭīkā |
સમથાસમથસ્સસાધારણવારવણ્ણના
Samathāsamathassasādhāraṇavāravaṇṇanā
૨૯૯. નવમે સમથાસમથસાધારણવારે ‘‘સબ્બે સમથા એકતોવ અધિકરણં સમેન્તિ ઉદાહુ નાના’’તિ પુચ્છન્તેન ‘‘સમથા સમથસ્સ સાધારણા, સમથા સમથસ્સ અસાધારણા’’તિ વુત્તં. વિવાદાદિઅધિકરણક્કમેન તબ્બૂપસમહેતુભૂતે સમથે ઉદ્ધરન્તો ‘‘યેભુય્યસિકા’’તિઆદિમાહ. સમ્મુખાવિનયં વિના કસ્સચિ સમથસ્સ અસમ્ભવા સેસા છપિ સમથા સમ્મુખાવિનયસ્સ સાધારણા વુત્તા, તેસં પન છન્નં અઞ્ઞમઞ્ઞાપેક્ખાભાવતો તે અઞ્ઞમઞ્ઞં અસાધારણા વુત્તા. તબ્ભાગિયવારેપિ એસેવ નયો.
299. Navame samathāsamathasādhāraṇavāre ‘‘sabbe samathā ekatova adhikaraṇaṃ samenti udāhu nānā’’ti pucchantena ‘‘samathā samathassa sādhāraṇā, samathā samathassa asādhāraṇā’’ti vuttaṃ. Vivādādiadhikaraṇakkamena tabbūpasamahetubhūte samathe uddharanto ‘‘yebhuyyasikā’’tiādimāha. Sammukhāvinayaṃ vinā kassaci samathassa asambhavā sesā chapi samathā sammukhāvinayassa sādhāraṇā vuttā, tesaṃ pana channaṃ aññamaññāpekkhābhāvato te aññamaññaṃ asādhāraṇā vuttā. Tabbhāgiyavārepi eseva nayo.
સમથાસમથસ્સસાધારણવારવણ્ણના નિટ્ઠિતા.
Samathāsamathassasādhāraṇavāravaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / પરિવારપાળિ • Parivārapāḷi / ૯. સમથા સમથસ્સ સાધારણવારો • 9. Samathā samathassa sādhāraṇavāro
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / સમથા સમથસ્સ સાધારણવારકથાવણ્ણના • Samathā samathassa sādhāraṇavārakathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / અધિકરણપરિયાયવારાદિવણ્ણના • Adhikaraṇapariyāyavārādivaṇṇanā
