| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๑. สมาปตฺติมูลกฐิติสุตฺตํ
11. Samāpattimūlakaṭhitisuttaṃ
๖๗๒. สาวตฺถินิทานํฯ ‘‘จตฺตาโรเม, ภิกฺขเว, ฌายีฯ กตเม จตฺตาโร? อิธ, ภิกฺขเว, เอกโจฺจ ฌายี สมาธิสฺมิํ สมาปตฺติกุสโล โหติ, น สมาธิสฺมิํ ฐิติกุสโลฯ อิธ ปน, ภิกฺขเว, เอกโจฺจ ฌายี สมาธิสฺมิํ ฐิติกุสโล โหติ, น สมาธิสฺมิํ สมาปตฺติกุสโลฯ อิธ ปน, ภิกฺขเว, เอกโจฺจ ฌายี เนว สมาธิสฺมิํ สมาปตฺติกุสโล โหติ, น จ สมาธิสฺมิํ ฐิติกุสโลฯ อิธ ปน, ภิกฺขเว, เอกโจฺจ ฌายี สมาธิสฺมิํ สมาปตฺติกุสโล จ โหติ, สมาธิสฺมิํ ฐิติกุสโล จฯ ตตฺร, ภิกฺขเว, ยฺวายํ ฌายี สมาธิสฺมิํ สมาปตฺติกุสโล จ โหติ, สมาธิสฺมิํ ฐิติกุสโล จ อยํ อิเมสํ จตุนฺนํ ฌายีนํ อโคฺค จ เสโฎฺฐ จ โมโกฺข จ อุตฺตโม จ ปวโร จฯ เสยฺยถาปิ, ภิกฺขเว, ควา ขีรํ…เป.… ปวโร จา’’ติฯ เอกาทสมํฯ
672. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ ṭhitikusalo. Idha pana, bhikkhave, ekacco jhāyī samādhismiṃ ṭhitikusalo hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ ṭhitikusalo. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ ṭhitikusalo ca. Tatra, bhikkhave, yvāyaṃ jhāyī samādhismiṃ samāpattikusalo ca hoti, samādhismiṃ ṭhitikusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Ekādasamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๒-๕๕. สมาธิมูลกฐิติสุตฺตาทิวณฺณนา • 2-55. Samādhimūlakaṭhitisuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๒-๕๕. สมาธิมูลกฐิติสุตฺตาทิวณฺณนา • 2-55. Samādhimūlakaṭhitisuttādivaṇṇanā
