| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๖. สมาปตฺติมูลกอภินีหารสุตฺตํ
16. Samāpattimūlakaabhinīhārasuttaṃ
๖๗๗. สาวตฺถินิทานํฯ ‘‘จตฺตาโรเม, ภิกฺขเว, ฌายีฯ กตเม จตฺตาโร? อิธ, ภิกฺขเว, เอกโจฺจ ฌายี สมาธิสฺมิํ สมาปตฺติกุสโล โหติ, น สมาธิสฺมิํ อภินีหารกุสโลฯ อิธ ปน, ภิกฺขเว, เอกโจฺจ ฌายี สมาธิสฺมิํ อภินีหารกุสโล โหติ, น สมาธิสฺมิํ สมาปตฺติกุสโลฯ อิธ ปน, ภิกฺขเว, เอกโจฺจ ฌายี เนว สมาธิสฺมิํ สมาปตฺติกุสโล โหติ, น จ สมาธิสฺมิํ อภินีหารกุสโลฯ อิธ ปน, ภิกฺขเว, เอกโจฺจ ฌายี สมาธิสฺมิํ สมาปตฺติกุสโล จ โหติ, สมาธิสฺมิํ อภินีหารกุสโล จฯ ตตฺร…เป.… ปวโร จา’’ติฯ โสฬสมํฯ
677. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samāpattikusalo hoti, na samādhismiṃ abhinīhārakusalo. Idha pana, bhikkhave, ekacco jhāyī samādhismiṃ abhinīhārakusalo hoti, na samādhismiṃ samāpattikusalo. Idha pana, bhikkhave, ekacco jhāyī neva samādhismiṃ samāpattikusalo hoti, na ca samādhismiṃ abhinīhārakusalo. Idha pana, bhikkhave, ekacco jhāyī samādhismiṃ samāpattikusalo ca hoti, samādhismiṃ abhinīhārakusalo ca. Tatra…pe… pavaro cā’’ti. Soḷasamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๒-๕๕. สมาธิมูลกฐิติสุตฺตาทิวณฺณนา • 2-55. Samādhimūlakaṭhitisuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๒-๕๕. สมาธิมูลกฐิติสุตฺตาทิวณฺณนา • 2-55. Samādhimūlakaṭhitisuttādivaṇṇanā
