| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. сааман̣д̣агасам̣яуд̇д̇ам̣
5. Sāmaṇḍakasaṃyuttaṃ
1. сааман̣д̣агасуд̇д̇ам̣
1. Sāmaṇḍakasuttaṃ
330. згам̣ самаяам̣ ааяасмаа саарибуд̇д̇о важ̇ж̇ийсу вихарад̇и уггажзлааяам̣ г̇ан̇г̇ааяа над̣̇ияаа д̇ийрз. ат̇а ко сааман̣д̣аго 1 бариб̣б̣ааж̇аго язнааяасмаа саарибуд̇д̇о д̇знубасан̇гами; убасан̇гамид̇ваа ааяасмад̇аа саарибуд̇д̇зна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко сааман̣д̣аго бариб̣б̣ааж̇аго ааяасманд̇ам̣ саарибуд̇д̇ам̣ зд̇ад̣̇авожа –
330. Ekaṃ samayaṃ āyasmā sāriputto vajjīsu viharati ukkacelāyaṃ gaṅgāya nadiyā tīre. Atha kho sāmaṇḍako 2 paribbājako yenāyasmā sāriputto tenupasaṅkami; upasaṅkamitvā āyasmatā sāriputtena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho sāmaṇḍako paribbājako āyasmantaṃ sāriputtaṃ etadavoca –
‘‘‘ниб̣б̣аанам̣, ниб̣б̣аана’нд̇и, аавусо саарибуд̇д̇а, вужжад̇и. гад̇амам̣ ну ко, аавусо, ниб̣б̣аана’’нд̇и? ‘‘яо ко, аавусо, рааг̇агкаяо д̣̇осагкаяо мохагкаяо – ид̣̇ам̣ вужжад̇и ниб̣б̣аана’’нд̇и. ‘‘ад̇т̇и банаавусо, маг̇г̇о ад̇т̇и бадибад̣̇аа, зд̇асса ниб̣б̣аанасса сажчигирияааяаа’’д̇и? ‘‘ад̇т̇и ко, аавусо, маг̇г̇о ад̇т̇и бадибад̣̇аа, зд̇асса ниб̣б̣аанасса сажчигирияааяаа’’д̇и.
‘‘‘Nibbānaṃ, nibbāna’nti, āvuso sāriputta, vuccati. Katamaṃ nu kho, āvuso, nibbāna’’nti? ‘‘Yo kho, āvuso, rāgakkhayo dosakkhayo mohakkhayo – idaṃ vuccati nibbāna’’nti. ‘‘Atthi panāvuso, maggo atthi paṭipadā, etassa nibbānassa sacchikiriyāyā’’ti? ‘‘Atthi kho, āvuso, maggo atthi paṭipadā, etassa nibbānassa sacchikiriyāyā’’ti.
‘‘гад̇амо банаавусо, маг̇г̇о гад̇амаа бадибад̣̇аа зд̇асса ниб̣б̣аанасса сажчигирияааяаа’’д̇и? ‘‘аяамзва ко, аавусо, арияо адтан̇г̇иго маг̇г̇о, зд̇асса ниб̣б̣аанасса сажчигирияааяа, сзяяат̇ид̣̇ам̣ – саммаад̣̇идти саммаасан̇габбо саммааваажаа саммаагамманд̇о саммааааж̇ийво саммаавааяаамо саммаасад̇и саммаасамаад̇хи. аяам̣ ко, аавусо, маг̇г̇о аяам̣ бадибад̣̇аа, зд̇асса ниб̣б̣аанасса сажчигирияааяаа’’д̇и. ‘‘бхад̣̇д̣̇аго, аавусо, маг̇г̇о бхад̣̇д̣̇игаа бадибад̣̇аа, зд̇асса ниб̣б̣аанасса сажчигирияааяа. алан̃жа банаавусо саарибуд̇д̇а, аббамаад̣̇ааяаа’’д̇и. батамам̣.
‘‘Katamo panāvuso, maggo katamā paṭipadā etassa nibbānassa sacchikiriyāyā’’ti? ‘‘Ayameva kho, āvuso, ariyo aṭṭhaṅgiko maggo, etassa nibbānassa sacchikiriyāya, seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi. Ayaṃ kho, āvuso, maggo ayaṃ paṭipadā, etassa nibbānassa sacchikiriyāyā’’ti. ‘‘Bhaddako, āvuso, maggo bhaddikā paṭipadā, etassa nibbānassa sacchikiriyāya. Alañca panāvuso sāriputta, appamādāyā’’ti. Paṭhamaṃ.
(яат̇аа ж̇амб̣укаад̣̇агасам̣яуд̇д̇ам̣, д̇ат̇аа вид̇т̇аарзд̇аб̣б̣ам̣).
(Yathā jambukhādakasaṃyuttaṃ, tathā vitthāretabbaṃ).
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. сааман̣д̣агасам̣яуд̇д̇аван̣н̣анаа • 5. Sāmaṇḍakasaṃyuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. сааман̣д̣агасам̣яуд̇д̇аван̣н̣анаа • 5. Sāmaṇḍakasaṃyuttavaṇṇanā
