| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೫. ಸಮಣಸುತ್ತಂ
5. Samaṇasuttaṃ
೮೫. ‘‘‘ಸಮಣೋ’ತಿ , ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ। ‘ಬ್ರಾಹ್ಮಣೋ’ತಿ, ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ। ‘ವೇದಗೂ’ತಿ, ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ। ‘ಭಿಸಕ್ಕೋ’ತಿ, ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ। ‘ನಿಮ್ಮಲೋ’ತಿ, ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ। ‘ವಿಮಲೋ’ತಿ, ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ। ‘ಞಾಣೀ’ತಿ, ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸ। ‘ವಿಮುತ್ತೋ’ತಿ, ಭಿಕ್ಖವೇ, ತಥಾಗತಸ್ಸೇತಂ ಅಧಿವಚನಂ ಅರಹತೋ ಸಮ್ಮಾಸಮ್ಬುದ್ಧಸ್ಸಾ’’ತಿ।
85. ‘‘‘Samaṇo’ti , bhikkhave, tathāgatassetaṃ adhivacanaṃ arahato sammāsambuddhassa. ‘Brāhmaṇo’ti, bhikkhave, tathāgatassetaṃ adhivacanaṃ arahato sammāsambuddhassa. ‘Vedagū’ti, bhikkhave, tathāgatassetaṃ adhivacanaṃ arahato sammāsambuddhassa. ‘Bhisakko’ti, bhikkhave, tathāgatassetaṃ adhivacanaṃ arahato sammāsambuddhassa. ‘Nimmalo’ti, bhikkhave, tathāgatassetaṃ adhivacanaṃ arahato sammāsambuddhassa. ‘Vimalo’ti, bhikkhave, tathāgatassetaṃ adhivacanaṃ arahato sammāsambuddhassa. ‘Ñāṇī’ti, bhikkhave, tathāgatassetaṃ adhivacanaṃ arahato sammāsambuddhassa. ‘Vimutto’ti, bhikkhave, tathāgatassetaṃ adhivacanaṃ arahato sammāsambuddhassā’’ti.
‘‘ಯಂ ಸಮಣೇನ ಪತ್ತಬ್ಬಂ, ಬ್ರಾಹ್ಮಣೇನ ವುಸೀಮತಾ।
‘‘Yaṃ samaṇena pattabbaṃ, brāhmaṇena vusīmatā;
ಯಂ ವೇದಗುನಾ ಪತ್ತಬ್ಬಂ, ಭಿಸಕ್ಕೇನ ಅನುತ್ತರಂ॥
Yaṃ vedagunā pattabbaṃ, bhisakkena anuttaraṃ.
‘‘ಯಂ ನಿಮ್ಮಲೇನ ಪತ್ತಬ್ಬಂ, ವಿಮಲೇನ ಸುಚೀಮತಾ।
‘‘Yaṃ nimmalena pattabbaṃ, vimalena sucīmatā;
ಯಂ ಞಾಣಿನಾ ಚ ಪತ್ತಬ್ಬಂ, ವಿಮುತ್ತೇನ ಅನುತ್ತರಂ॥
Yaṃ ñāṇinā ca pattabbaṃ, vimuttena anuttaraṃ.
‘‘ಸೋಹಂ ವಿಜಿತಸಙ್ಗಾಮೋ, ಮುತ್ತೋ ಮೋಚೇಮಿ ಬನ್ಧನಾ।
‘‘Sohaṃ vijitasaṅgāmo, mutto mocemi bandhanā;
ನಾಗೋಮ್ಹಿ ಪರಮದನ್ತೋ, ಅಸೇಖೋ ಪರಿನಿಬ್ಬುತೋ’’ತಿ॥ ಪಞ್ಚಮಂ।
Nāgomhi paramadanto, asekho parinibbuto’’ti. pañcamaṃ;
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೫. ಸಮಣಸುತ್ತವಣ್ಣನಾ • 5. Samaṇasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಸದ್ಧಾಸುತ್ತಾದಿವಣ್ಣನಾ • 1-10. Saddhāsuttādivaṇṇanā
