| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๕. สมณสุตฺตํ
5. Samaṇasuttaṃ
๘๕. ‘‘‘สมโณ’ติ , ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสฯ ‘พฺราหฺมโณ’ติ, ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสฯ ‘เวทคู’ติ, ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสฯ ‘ภิสโกฺก’ติ, ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสฯ ‘นิมฺมโล’ติ, ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสฯ ‘วิมโล’ติ, ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสฯ ‘ญาณี’ติ, ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสฯ ‘วิมุโตฺต’ติ, ภิกฺขเว, ตถาคตเสฺสตํ อธิวจนํ อรหโต สมฺมาสมฺพุทฺธสฺสา’’ติฯ
85. ‘‘‘Samaṇo’ti , bhikkhave, tathāgatassetaṃ adhivacanaṃ arahato sammāsambuddhassa. ‘Brāhmaṇo’ti, bhikkhave, tathāgatassetaṃ adhivacanaṃ arahato sammāsambuddhassa. ‘Vedagū’ti, bhikkhave, tathāgatassetaṃ adhivacanaṃ arahato sammāsambuddhassa. ‘Bhisakko’ti, bhikkhave, tathāgatassetaṃ adhivacanaṃ arahato sammāsambuddhassa. ‘Nimmalo’ti, bhikkhave, tathāgatassetaṃ adhivacanaṃ arahato sammāsambuddhassa. ‘Vimalo’ti, bhikkhave, tathāgatassetaṃ adhivacanaṃ arahato sammāsambuddhassa. ‘Ñāṇī’ti, bhikkhave, tathāgatassetaṃ adhivacanaṃ arahato sammāsambuddhassa. ‘Vimutto’ti, bhikkhave, tathāgatassetaṃ adhivacanaṃ arahato sammāsambuddhassā’’ti.
‘‘ยํ สมเณน ปตฺตพฺพํ, พฺราหฺมเณน วุสีมตา;
‘‘Yaṃ samaṇena pattabbaṃ, brāhmaṇena vusīmatā;
ยํ เวทคุนา ปตฺตพฺพํ, ภิสเกฺกน อนุตฺตรํฯ
Yaṃ vedagunā pattabbaṃ, bhisakkena anuttaraṃ.
‘‘ยํ นิมฺมเลน ปตฺตพฺพํ, วิมเลน สุจีมตา;
‘‘Yaṃ nimmalena pattabbaṃ, vimalena sucīmatā;
ยํ ญาณินา จ ปตฺตพฺพํ, วิมุเตฺตน อนุตฺตรํฯ
Yaṃ ñāṇinā ca pattabbaṃ, vimuttena anuttaraṃ.
‘‘โสหํ วิชิตสงฺคาโม, มุโตฺต โมเจมิ พนฺธนา;
‘‘Sohaṃ vijitasaṅgāmo, mutto mocemi bandhanā;
นาโคมฺหิ ปรมทโนฺต, อเสโข ปรินิพฺพุโต’’ติฯ ปญฺจมํ;
Nāgomhi paramadanto, asekho parinibbuto’’ti. pañcamaṃ;
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๕. สมณสุตฺตวณฺณนา • 5. Samaṇasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๑๐. สทฺธาสุตฺตาทิวณฺณนา • 1-10. Saddhāsuttādivaṇṇanā
