| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
(৯) ৪. সমণৰগ্গো
(9) 4. Samaṇavaggo
১. সমণসুত্তং
1. Samaṇasuttaṃ
৮২. ‘‘তীণিমানি , ভিক্খৰে, সমণস্স সমণিযানি সমণকরণীযানি। কতমানি তীণি? অধিসীলসিক্খাসমাদানং, অধিচিত্তসিক্খাসমাদানং, অধিপঞ্ঞাসিক্খাসমাদানং – ইমানি খো, ভিক্খৰে, তীণি সমণস্স সমণিযানি সমণকরণীযানি।
82. ‘‘Tīṇimāni , bhikkhave, samaṇassa samaṇiyāni samaṇakaraṇīyāni. Katamāni tīṇi? Adhisīlasikkhāsamādānaṃ, adhicittasikkhāsamādānaṃ, adhipaññāsikkhāsamādānaṃ – imāni kho, bhikkhave, tīṇi samaṇassa samaṇiyāni samaṇakaraṇīyāni.
‘‘তস্মাতিহ, ভিক্খৰে, এৰং সিক্খিতব্বং – ‘তিব্বো নো ছন্দো ভৰিস্সতি অধিসীলসিক্খাসমাদানে, তিব্বো নো ছন্দো ভৰিস্সতি অধিচিত্তসিক্খাসমাদানে, তিব্বো নো ছন্দো ভৰিস্সতি অধিপঞ্ঞাসিক্খাসমাদানে’তি। এৰঞ্হি ৰো, ভিক্খৰে, সিক্খিতব্ব’’ন্তি। পঠমং।
‘‘Tasmātiha, bhikkhave, evaṃ sikkhitabbaṃ – ‘tibbo no chando bhavissati adhisīlasikkhāsamādāne, tibbo no chando bhavissati adhicittasikkhāsamādāne, tibbo no chando bhavissati adhipaññāsikkhāsamādāne’ti. Evañhi vo, bhikkhave, sikkhitabba’’nti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১. সমণসুত্তৰণ্ণনা • 1. Samaṇasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-৫. সমণসুত্তাদিৰণ্ণনা • 1-5. Samaṇasuttādivaṇṇanā
