| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
(៩) ៤. សមណវគ្គោ
(9) 4. Samaṇavaggo
១-៥. សមណសុត្តាទិវណ្ណនា
1-5. Samaṇasuttādivaṇṇanā
៨២-៨៦. ចតុត្ថស្ស បឋមេ សម្មា អាទានំ គហណំ សមាទានន្តិ អាហ ‘‘សមាទានំ វុច្ចតិ គហណ’’ន្តិ។ អធិកំ វិសិដ្ឋំ សីលន្តិ អធិសីលំ។ លោកិយសីលស្ស អធិសីលភាវោ បរិយាយេនាតិ និប្បរិយាយមេវ តំ ទស្សេតុំ ‘‘អបិច សព្ពម្បិ លោកិយសីល’’ន្តិអាទិ វុត្តំ។ សិក្ខិតព្ពតោតិ អាសេវិតព្ពតោ។ បញ្ចបិ ទសបិ វា សីលានិ សីលំ នាម, បាតិមោក្ខសំវរោ អធិសីលំ នាម អនវសេសកាយិកចេតសិកសំវរភាវតោ មគ្គសីលស្ស បទដ្ឋានភាវតោ ច។ អដ្ឋ សមាបត្តិយោ ចិត្តំ, វិបស្សនាបាទកជ្ឈានំ អធិចិត្តំ មគ្គសមាធិស្ស អធិដ្ឋានភាវតោ។ កម្មស្សកតញាណំ បញ្ញា, វិបស្សនា អធិបញ្ញា មគ្គបញ្ញាយ អធិដ្ឋានភាវតោ។ អបិច និព្ពានំ បត្ថយន្តេន សមាទិន្នំ បញ្ចសីលំ ទសសីលម្បិ អធិសីលមេវ និព្ពានាធិគមស្ស បច្ចយភាវតោ។ និព្ពានំ បត្ថយន្តេន សមាបន្នា អដ្ឋ សមាបត្តិយោបិ អធិចិត្តមេវ។
82-86. Catutthassa paṭhame sammā ādānaṃ gahaṇaṃ samādānanti āha ‘‘samādānaṃ vuccati gahaṇa’’nti. Adhikaṃ visiṭṭhaṃ sīlanti adhisīlaṃ. Lokiyasīlassa adhisīlabhāvo pariyāyenāti nippariyāyameva taṃ dassetuṃ ‘‘apica sabbampi lokiyasīla’’ntiādi vuttaṃ. Sikkhitabbatoti āsevitabbato. Pañcapi dasapi vā sīlāni sīlaṃ nāma, pātimokkhasaṃvaro adhisīlaṃ nāma anavasesakāyikacetasikasaṃvarabhāvato maggasīlassa padaṭṭhānabhāvato ca. Aṭṭha samāpattiyo cittaṃ, vipassanāpādakajjhānaṃ adhicittaṃ maggasamādhissa adhiṭṭhānabhāvato. Kammassakatañāṇaṃ paññā, vipassanā adhipaññā maggapaññāya adhiṭṭhānabhāvato. Apica nibbānaṃ patthayantena samādinnaṃ pañcasīlaṃ dasasīlampi adhisīlameva nibbānādhigamassa paccayabhāvato. Nibbānaṃ patthayantena samāpannā aṭṭha samāpattiyopi adhicittameva.
‘‘កល្យាណការី កល្យាណំ, បាបការី ច បាបកំ;
‘‘Kalyāṇakārī kalyāṇaṃ, pāpakārī ca pāpakaṃ;
អនុភោតិ ទ្វយមេតំ, អនុពន្ធញ្ហិ ការណ’’ន្តិ។ –
Anubhoti dvayametaṃ, anubandhañhi kāraṇa’’nti. –
ឯវំ អតីតេ អនាគតេ ច វដ្ដមូលកទុក្ខសល្លក្ខណវសេន សំវេគវត្ថុតាយ វិមុត្តិអាកង្ខាយ បច្ចយភូតា កម្មស្សកតបញ្ញាបិ អធិបញ្ញាតិ វទន្តិ។ ទុតិយតតិយចតុត្ថបញ្ចមានិ ឧត្តានត្ថានេវ។
Evaṃ atīte anāgate ca vaṭṭamūlakadukkhasallakkhaṇavasena saṃvegavatthutāya vimuttiākaṅkhāya paccayabhūtā kammassakatapaññāpi adhipaññāti vadanti. Dutiyatatiyacatutthapañcamāni uttānatthāneva.
សមណសុត្តាទិវណ្ណនា និដ្ឋិតា។
Samaṇasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
១. សមណសុត្តំ • 1. Samaṇasuttaṃ
២. គទ្រភសុត្តំ • 2. Gadrabhasuttaṃ
៣. ខេត្តសុត្តំ • 3. Khettasuttaṃ
៤. វជ្ជិបុត្តសុត្តំ • 4. Vajjiputtasuttaṃ
៥. សេក្ខសុត្តំ • 5. Sekkhasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
១. សមណសុត្តវណ្ណនា • 1. Samaṇasuttavaṇṇanā
២. គទ្រភសុត្តវណ្ណនា • 2. Gadrabhasuttavaṇṇanā
៣. ខេត្តសុត្តវណ្ណនា • 3. Khettasuttavaṇṇanā
៤. វជ្ជិបុត្តសុត្តវណ្ណនា • 4. Vajjiputtasuttavaṇṇanā
៥. សេក្ខសុត្តវណ្ណនា • 5. Sekkhasuttavaṇṇanā
