| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༨. སམཎསུཁསུཏྟཾ
8. Samaṇasukhasuttaṃ
༡༢༨. ‘‘པཉྩིམཱནི, བྷིཀྑཝེ, སམཎདུཀྑཱནི། ཀཏམཱནི པཉྩ? ཨིདྷ, བྷིཀྑཝེ, བྷིཀྑུ ཨསནྟུཊྛོ ཧོཏི ཨིཏརཱིཏརེན ཙཱིཝརེན, ཨསནྟུཊྛོ ཧོཏི ཨིཏརཱིཏརེན པིཎྜཔཱཏེན, ཨསནྟུཊྛོ ཧོཏི ཨིཏརཱིཏརེན སེནཱསནེན, ཨསནྟུཊྛོ ཧོཏི ཨིཏརཱིཏརེན གིལཱནཔྤཙྩཡབྷེསཛྫཔརིཀྑཱརེན, ཨནབྷིརཏོ ཙ བྲཧྨཙརིཡཾ ཙརཏི། ཨིམཱནི ཁོ, བྷིཀྑཝེ, པཉྩ སམཎདུཀྑཱནི།
128. ‘‘Pañcimāni, bhikkhave, samaṇadukkhāni. Katamāni pañca? Idha, bhikkhave, bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānappaccayabhesajjaparikkhārena, anabhirato ca brahmacariyaṃ carati. Imāni kho, bhikkhave, pañca samaṇadukkhāni.
‘‘པཉྩིམཱནི, བྷིཀྑཝེ, སམཎསུཁཱནི། ཀཏམཱནི པཉྩ? ཨིདྷ, བྷིཀྑཝེ, བྷིཀྑུ སནྟུཊྛོ ཧོཏི ཨིཏརཱིཏརེན ཙཱིཝརེན, སནྟུཊྛོ ཧོཏི ཨིཏརཱིཏརེན པིཎྜཔཱཏེན, སནྟུཊྛོ ཧོཏི ཨིཏརཱིཏརེན སེནཱསནེན, སནྟུཊྛོ ཧོཏི ཨིཏརཱིཏརེན གིལཱནཔྤཙྩཡབྷེསཛྫཔརིཀྑཱརེན, ཨབྷིརཏོ ཙ བྲཧྨཙརིཡཾ ཙརཏི། ཨིམཱནི ཁོ, བྷིཀྑཝེ, པཉྩ སམཎསུཁཱནཱི’’ཏི། ཨཊྛམཾ།
‘‘Pañcimāni, bhikkhave, samaṇasukhāni. Katamāni pañca? Idha, bhikkhave, bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānappaccayabhesajjaparikkhārena, abhirato ca brahmacariyaṃ carati. Imāni kho, bhikkhave, pañca samaṇasukhānī’’ti. Aṭṭhamaṃ.
Related texts:
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / (༡༣) ༣. གིལཱནཝགྒོ • (13) 3. Gilānavaggo
