၁. သမဏသညာသုတ္တံ

1. Samaṇasaññāsuttaṃ

၁၀၁. ‘‘တိသ္သော ဣမာ, ဘိက္ခဝေ, သမဏသညာ ဘာဝိတာ ဗဟုလီကတာ သတ္တ ဓမ္မေ ပရိပူရေန္တိ။ ကတမာ တိသ္သော? ဝေဝဏ္ဏိယမ္ဟိ အဇ္ဈုပဂတော, ပရပဋိဗဒ္ဓာ မေ ဇီဝိကာ, အညော မေ အာကပ္ပော ကရဏီယောတိ – ဣမာ ခော, ဘိက္ခဝေ, တိသ္သော သမဏသညာ ဘာဝိတာ ဗဟုလီကတာ သတ္တ ဓမ္မေ ပရိပူရေန္တိ။

101. ‘‘Tisso imā, bhikkhave, samaṇasaññā bhāvitā bahulīkatā satta dhamme paripūrenti. Katamā tisso? Vevaṇṇiyamhi ajjhupagato, parapaṭibaddhā me jīvikā, añño me ākappo karaṇīyoti – imā kho, bhikkhave, tisso samaṇasaññā bhāvitā bahulīkatā satta dhamme paripūrenti.

‘‘ကတမေ သတ္တ? သန္တတကာရီ ¹ ဟောတိ သန္တတဝုတ္တိ ² သီလေသု, အနဘိဇ္ဈာလု ဟောတိ, အဗ္ယာပဇ္ဇော ဟောတိ, အနတိမာနီ ဟောတိ, သိက္ခာကာမော ဟောတိ , ဣဒမတ္ထံတိသ္သ ဟောတိ ဇီဝိတပရိက္ခာရေသု, အာရဒ္ဓဝီရိယော စ ³ ဝိဟရတိ။ ဣမာ ခော, ဘိက္ခဝေ, တိသ္သော သမဏသညာ ဘာဝိတာ ဗဟုလီကတာ ဣမေ သတ္တ ဓမ္မေ ပရိပူရေန္တီ’’တိ။ ပဌမံ။

‘‘Katame satta? Santatakārī ⁴ hoti santatavutti ⁵ sīlesu, anabhijjhālu hoti, abyāpajjo hoti, anatimānī hoti, sikkhākāmo hoti , idamatthaṃtissa hoti jīvitaparikkhāresu, āraddhavīriyo ca ⁶ viharati. Imā kho, bhikkhave, tisso samaṇasaññā bhāvitā bahulīkatā ime satta dhamme paripūrentī’’ti. Paṭhamaṃ.

Next: ၂. ဗောဇ္ဈင္ဂသုတ္တံ • 2. Bojjhaṅgasuttaṃ

Footnotes:

1. သတတကာရီ (သ္ယာ. ပီ. က.)

2. သတတဝုတ္တိ (သ္ယာ. ပီ.)

3. အာရဒ္ဓဝိရိယော စ (သီ. ပီ.), အာရဒ္ဓဝိရိယော (သ္ယာ.)

4. satatakārī (syā. pī. ka.)

5. satatavutti (syā. pī.)

6. āraddhaviriyo ca (sī. pī.), āraddhaviriyo (syā.)

Related texts:

အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁. သမဏသညာသုတ္တဝဏ္ဏနာ • 1. Samaṇasaññāsuttavaṇṇanā

ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၁၂. သမဏသညာသုတ္တာဒိဝဏ္ဏနာ • 1-12. Samaṇasaññāsuttādivaṇṇanā

© 1991-2026 Titi Tudorancea Yoga Bulletin | Titi Tudorancea^® is a Registered Trademark | Terms of use and privacy policy
Contact