| Library / Tipiṭaka / તિપિટક • Tipiṭaka / ખુદ્દસિક્ખા-મૂલસિક્ખા • Khuddasikkhā-mūlasikkhā |
૨૬. સમાનાસનિકનિદ્દેસવણ્ણના
26. Samānāsanikaniddesavaṇṇanā
૧૯૫. તિણ્ણં વસ્સાનં અન્તરં તિવસ્સન્તરં. ‘‘અનુજાનામિ, ભિક્ખવે, તિવસ્સન્તરેન સહ નિસીદિતુ’’ન્તિ (ચૂળવ॰ ૩૨૦) હિ વુત્તં. યો દ્વીહિ વસ્સેહિ (ચૂળવ॰ અટ્ઠ॰ ૩૨૦) વુડ્ઢો વા નવો વા, સો તિવસ્સન્તરો નામ.
195. Tiṇṇaṃ vassānaṃ antaraṃ tivassantaraṃ. ‘‘Anujānāmi, bhikkhave, tivassantarena saha nisīditu’’nti (cūḷava. 320) hi vuttaṃ. Yo dvīhi vassehi (cūḷava. aṭṭha. 320) vuḍḍho vā navo vā, so tivassantaro nāma.
૧૯૬. મુનીતિ બુદ્ધમુનિ. સબ્બેહેવાતિ અનુપસમ્પન્નેહિપિ.
196.Munīti buddhamuni. Sabbehevāti anupasampannehipi.
૧૯૭. અન્તન્તિ પચ્છિમં. ‘‘અનુજાનામિ, ભિક્ખવે, યં તિણ્ણં પહોતિ, એત્તકં પચ્છિમં દીઘાસન’’ન્તિ (ચૂળવ॰ ૩૨૦) વુત્તત્તા યં તિણ્ણં પહોતિ, એતં સંહારિમં વા હોતુ અસંહારિમં વા, તથારૂપેસુ ફલકખણ્ડેસુપિ નિસીદિતું વટ્ટતિ. દ્વિન્નન્તિ દ્વિન્નં સમાનાસનિકાનં. ‘‘અનુજાનામિ, ભિક્ખવે, દુવગ્ગસ્સ મઞ્ચં દુવગ્ગસ્સ પીઠ’’ન્તિ (ચુળવ॰ ૩૨૦) વુત્તત્તા દ્વે સમાનાસનિકા સહ નિસીદિતું લભન્તિ. અઞ્ઞેહિ અસમાનાસનિકેહિ, અનુપસમ્પન્નાદીહિ વા દ્વે હુત્વાપિ નિસીદિતું ન લભન્તિ. સમાનાસનિકવિનિચ્છયો.
197.Antanti pacchimaṃ. ‘‘Anujānāmi, bhikkhave, yaṃ tiṇṇaṃ pahoti, ettakaṃ pacchimaṃ dīghāsana’’nti (cūḷava. 320) vuttattā yaṃ tiṇṇaṃ pahoti, etaṃ saṃhārimaṃ vā hotu asaṃhārimaṃ vā, tathārūpesu phalakakhaṇḍesupi nisīdituṃ vaṭṭati. Dvinnanti dvinnaṃ samānāsanikānaṃ. ‘‘Anujānāmi, bhikkhave, duvaggassa mañcaṃ duvaggassa pīṭha’’nti (cuḷava. 320) vuttattā dve samānāsanikā saha nisīdituṃ labhanti. Aññehi asamānāsanikehi, anupasampannādīhi vā dve hutvāpi nisīdituṃ na labhanti. Samānāsanikavinicchayo.
સમાનાસનિકનિદ્દેસવણ્ણના નિટ્ઠિતા.
Samānāsanikaniddesavaṇṇanā niṭṭhitā.
