| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
26. ஸமானாஸனிகனித்³தே³ஸவண்ணனா
26. Samānāsanikaniddesavaṇṇanā
195. திவஸ்ஸந்தரமேகமாஸனங் பி⁴க்கூ²னங் அனுஞ்ஞாதந்தி ஸம்ப³ந்தோ⁴. தத்த² ஏகஸ்மிங் ஆஸனே மஞ்சாதி³கே த்³வின்னங் ஆஸனங் நிஸீத³னங் ஏகமாஸனங். ம-காரோ ஸந்தி⁴ஜோ. கீதி³ஸந்தி ஆஹ ‘‘திவஸ்ஸந்தர’’ந்தி. திண்ணங் வஸ்ஸானமந்தரமேதஸ்ஸாதி திவஸ்ஸந்தரோ, த்³வீஹி வஸ்ஸேஹி மஹந்ததரோ வா த³ஹரதரோ வா பி⁴க்கு², ஸோ அஸ்ஸ அத்தீ²தி திவஸ்ஸந்தரங், திவஸ்ஸந்தரவந்தந்தி அத்தோ². யோ பன ஏகேன வஸ்ஸேன மஹந்ததரோ வா த³ஹரதரோ வா ஏகவஸ்ஸோயேவ வா, தப்³ப³ந்ததாய வத்தப்³ப³மேவ நத்தி². அத² வா திவஸ்ஸந்தரந்தி கரணத்தே² உபயோக³வசனங், திவஸ்ஸந்தரேன ஸத்³தி⁴ந்தி அத்தோ². தமேவ ஸமத்தே²தி ‘‘ஸத்தவஸ்ஸே’’ச்சாதி³னா.
195. Tivassantaramekamāsanaṃ bhikkhūnaṃ anuññātanti sambandho. Tattha ekasmiṃ āsane mañcādike dvinnaṃ āsanaṃ nisīdanaṃ ekamāsanaṃ. Ma-kāro sandhijo. Kīdisanti āha ‘‘tivassantara’’nti. Tiṇṇaṃ vassānamantarametassāti tivassantaro, dvīhi vassehi mahantataro vā daharataro vā bhikkhu, so assa atthīti tivassantaraṃ, tivassantaravantanti attho. Yo pana ekena vassena mahantataro vā daharataro vā ekavassoyeva vā, tabbantatāya vattabbameva natthi. Atha vā tivassantaranti karaṇatthe upayogavacanaṃ, tivassantarena saddhinti attho. Tameva samattheti ‘‘sattavasse’’ccādinā.
196. முனி அனுஞ்ஞாஸீதி ஸம்ப³ந்தோ⁴. ஸப்³பே³ஹேவாதி ஸமானாஸனிகஅஸமானாஸனிகேஹி ஸப்³பே³ஹேவ ஸத்³தி⁴ங்.
196. Muni anuññāsīti sambandho. Sabbehevāti samānāsanikaasamānāsanikehi sabbeheva saddhiṃ.
197. தீ³கா⁴ஸனங் த³ஸ்ஸேதி ‘‘அந்த’’ந்திஆதி³னா. யங் திண்ணங் நிஸீதி³துங் பஹோதி, தங் அந்தங் தீ³கா⁴ஸனந்தி ஸம்ப³ந்தோ⁴. அந்தந்தி பச்சி²மங். அதீ³கா⁴ஸனே பன ஸமானாஸனிகா நிஸீதி³துங் லப்³ப⁴ந்தீதி த³ஸ்ஸெந்தோ ‘‘மஞ்சகே’’திஆதி³மாஹ. ஸப்³ப³த்த² அயதா²கரணதோ து³க்கடந்தி.
197. Dīghāsanaṃ dasseti ‘‘anta’’ntiādinā. Yaṃ tiṇṇaṃ nisīdituṃ pahoti, taṃ antaṃ dīghāsananti sambandho. Antanti pacchimaṃ. Adīghāsane pana samānāsanikā nisīdituṃ labbhantīti dassento ‘‘mañcake’’tiādimāha. Sabbattha ayathākaraṇato dukkaṭanti.
ஸமானாஸனிகனித்³தே³ஸவண்ணனா நிட்டி²தா.
Samānāsanikaniddesavaṇṇanā niṭṭhitā.
