| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༥-༦. སམཛཱིཝཱིསུཏྟདྭཡཝཎྞནཱ
5-6. Samajīvīsuttadvayavaṇṇanā
༥༥-༥༦. པཉྩམེ ཏེནུཔསངྐམཱིཏི ཀིམཏྠཾ ཨུཔསངྐམི? ཨནུགྒཎྷནཏྠཾ། ཏཐཱགཏོ ཧི ཏཾ རཊྛཾ པཱཔུཎནྟོ ཨིམེསཾཡེཝ དྭིནྣཾ སངྒཎྷནཏྠཱཡ པཱཔུཎཱཏི། ནཀུལཔིཏཱ ཀིར པཉྩ ཛཱཏིསཏཱནི ཏཐཱགཏསྶ པིཏཱ ཨཧོསི, པཉྩ ཛཱཏིསཏཱནི མཧཱཔིཏཱ, པཉྩ ཛཱཏིསཏཱནི ཙཱུལ༹པིཏཱ། ནཀུལམཱཏཱཔི པཉྩ ཛཱཏིསཏཱནི ཏཐཱགཏསྶ མཱཏཱ ཨཧོསི, པཉྩ ཛཱཏིསཏཱནི མཧཱམཱཏཱ, པཉྩ ཛཱཏིསཏཱནི ཙཱུལ༹མཱཏཱ། ཏེ སཏྠུ དིཊྛཀཱལཏོ པཊྛཱཡ པུཏྟསིནེཧཾ པཊིལབྷིཏྭཱ ‘‘ཧནྟཱཏ, ཧནྟཱཏཱ’’ཏི ཝཙྪཀཾ དིསྭཱ ཝཙྪགིདྡྷིནཱི གཱཝཱི ཝིཡ ཝིརཝམཱནཱ ཨུཔསངྐམིཏྭཱ པཋམདསྶནེནེཝ སོཏཱཔནྣཱ ཛཱཏཱ། ནིཝེསནེ པཉྩསཏཱནཾ བྷིཀྑཱུནཾ ཨཱསནཱནི སདཱ པཉྙཏྟཱནེཝ ཧོནྟི། ཨིཏི བྷགཝཱ ཏེསཾ ཨནུགྒཎྷནཏྠཱཡ ཨུཔསངྐམི། ཨཏིཙརིཏཱཏི ཨཏིཀྐམིཏཱ། ཨབྷིསམྤརཱཡཉྩཱཏི པརལོཀེ ཙ། སམསདྡྷཱཏི སདྡྷཱཡ སམཱ ཨེཀསདིསཱ། སཱིལཱདཱིསུཔི ཨེསེཝ ནཡོ། ཚཊྛཾ ཀེཝལཾ བྷིཀྑཱུནཾ དེསིཏཾ། སེསམེཏྠ ཏཱདིསམེཝ།
55-56. Pañcame tenupasaṅkamīti kimatthaṃ upasaṅkami? Anuggaṇhanatthaṃ. Tathāgato hi taṃ raṭṭhaṃ pāpuṇanto imesaṃyeva dvinnaṃ saṅgaṇhanatthāya pāpuṇāti. Nakulapitā kira pañca jātisatāni tathāgatassa pitā ahosi, pañca jātisatāni mahāpitā, pañca jātisatāni cūḷapitā. Nakulamātāpi pañca jātisatāni tathāgatassa mātā ahosi, pañca jātisatāni mahāmātā, pañca jātisatāni cūḷamātā. Te satthu diṭṭhakālato paṭṭhāya puttasinehaṃ paṭilabhitvā ‘‘hantāta, hantātā’’ti vacchakaṃ disvā vacchagiddhinī gāvī viya viravamānā upasaṅkamitvā paṭhamadassaneneva sotāpannā jātā. Nivesane pañcasatānaṃ bhikkhūnaṃ āsanāni sadā paññattāneva honti. Iti bhagavā tesaṃ anuggaṇhanatthāya upasaṅkami. Aticaritāti atikkamitā. Abhisamparāyañcāti paraloke ca. Samasaddhāti saddhāya samā ekasadisā. Sīlādīsupi eseva nayo. Chaṭṭhaṃ kevalaṃ bhikkhūnaṃ desitaṃ. Sesamettha tādisameva.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya
༥. པཋམསམཛཱིཝཱིསུཏྟཾ • 5. Paṭhamasamajīvīsuttaṃ
༦. དུཏིཡསམཛཱིཝཱིསུཏྟཾ • 6. Dutiyasamajīvīsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༥-༦. སམཛཱིཝཱིསུཏྟཱདིཝཎྞནཱ • 5-6. Samajīvīsuttādivaṇṇanā
