| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. વੇਦਨਾਸਂਯੁਤ੍ਤਂ
2. Vedanāsaṃyuttaṃ
੧. ਸਗਾਥਾવਗ੍ਗੋ
1. Sagāthāvaggo
੧. ਸਮਾਧਿਸੁਤ੍ਤવਣ੍ਣਨਾ
1. Samādhisuttavaṇṇanā
੨੪੯. વੇਦਨਾਸਂਯੁਤ੍ਤੇ ਸਗਾਥਾવਗ੍ਗਸ੍ਸ ਪਠਮੇ ਸਮਾਹਿਤੋਤਿ ਉਪਚਾਰੇਨ વਾ ਅਪ੍ਪਨਾਯ વਾ ਸਮਾਹਿਤੋ। વੇਦਨਾ ਚ ਪਜਾਨਾਤੀਤਿ વੇਦਨਾ ਦੁਕ੍ਖਸਚ੍ਚવਸੇਨ ਪਜਾਨਾਤਿ। વੇਦਨਾਨਞ੍ਚ ਸਮ੍ਭવਨ੍ਤਿ ਤਾਸਂਯੇવ ਸਮ੍ਭવਂ ਸਮੁਦਯਸਚ੍ਚવਸੇਨ ਪਜਾਨਾਤਿ। ਯਤ੍ਥ ਚੇਤਾਤਿ ਯਤ੍ਥੇਤਾ વੇਦਨਾ ਨਿਰੁਜ੍ਝਨ੍ਤਿ, ਤਂ ਨਿਬ੍ਬਾਨਂ ਨਿਰੋਧਸਚ੍ਚવਸੇਨ ਪਜਾਨਾਤਿ। ਖਯਗਾਮਿਨਨ੍ਤਿ ਤਾਸਂਯੇવ વੇਦਨਾਨਂ ਖਯਗਾਮਿਨਂ ਮਗ੍ਗਂ ਮਗ੍ਗਸਚ੍ਚવਸੇਨ ਪਜਾਨਾਤਿ। ਨਿਚ੍ਛਾਤੋ ਪਰਿਨਿਬ੍ਬੁਤੋਤਿ ਨਿਤ੍ਤਣ੍ਹੋ ਹੁਤ੍વਾ ਕਿਲੇਸਪਰਿਨਿਬ੍ਬਾਨੇਨ ਪਰਿਨਿਬ੍ਬੁਤੋ। ਏવਮੇਤ੍ਥ ਸੁਤ੍ਤੇ ਸਮ੍ਮਸਨਚਾਰવੇਦਨਾ ਕਥਿਤਾ। ਗਾਥਾਸੁ ਦ੍વੀਹਿ ਪਦੇਹਿ ਸਮਥવਿਪਸ੍ਸਨਾ ਕਥਿਤਾ, ਸੇਸੇਹਿ ਚਤੁਸਚ੍ਚਂ ਕਥਿਤਂ। ਏવਮੇਤ੍ਥ ਸਬ੍ਬਸਙ੍ਗਾਹਿਕੋ ਚਤੁਭੂਮਕਧਮ੍ਮਪਰਿਚ੍ਛੇਦੋ વੁਤ੍ਤੋ।
249. Vedanāsaṃyutte sagāthāvaggassa paṭhame samāhitoti upacārena vā appanāya vā samāhito. Vedanā ca pajānātīti vedanā dukkhasaccavasena pajānāti. Vedanānañca sambhavanti tāsaṃyeva sambhavaṃ samudayasaccavasena pajānāti. Yattha cetāti yatthetā vedanā nirujjhanti, taṃ nibbānaṃ nirodhasaccavasena pajānāti. Khayagāminanti tāsaṃyeva vedanānaṃ khayagāminaṃ maggaṃ maggasaccavasena pajānāti. Nicchāto parinibbutoti nittaṇho hutvā kilesaparinibbānena parinibbuto. Evamettha sutte sammasanacāravedanā kathitā. Gāthāsu dvīhi padehi samathavipassanā kathitā, sesehi catusaccaṃ kathitaṃ. Evamettha sabbasaṅgāhiko catubhūmakadhammaparicchedo vutto.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਮਾਧਿਸੁਤ੍ਤਂ • 1. Samādhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸਮਾਧਿਸੁਤ੍ਤવਣ੍ਣਨਾ • 1. Samādhisuttavaṇṇanā
